जनकपुरधाम, मंसिर १४ गते । आउंदो श्रीराम जानकी विवाह पञ्चमी महोत्सवको अवसरमा अन्नबाट बन्ने ११ हजार स्क्वायर फिटको भगवान श्रीराम जानकीको प्रतिमा तयारी शुरु भएको छ ।
जनकपुरधाम उपमहानगरपालिकाद्वारा विश्व रेकर्ड कायम गर्ने गरी विवाह पञ्चमी महोत्सवको मुख्य आर्कषणको रुपमा रंगभूमि मैदानमा ७० क्विन्टल अनाजबाट ११ हजार स्कवायर फिट ऐतिहासिक भगवान श्रीराम जानकीको प्रतिमा निर्माण गर्न लागिएको हो ।
बिहीवार जनकपुरधाममा जनकपुरधाम उपहानगरपालिकाको अध्यक्षताको बसेको बैठकबाट तयारी स्वरुप पहिलो चरणमा निर्माण समिति तथा सल्लाहकार समिति गठन गर्ने निर्णय गरिएको छ । जनकपुरधाम उद्योग वाणिज्य संघको संयोजकत्वमा ११ सदस्यीय निर्माण समिति र उमहानगरपालिकाका मेयर मनोज साहको संयोजकत्वमा सल्लाहकार समिति गठन गर्ने बैठकबाट निर्णय गएिको हो ।
विवाह महोत्सवको प्रमुख कार्यक्रम स्वयंवर हुने स्थल रंगभुमी मैदानमा करीब तीन कट्ठा क्षेत्रफलमा श्रीराम जानकी प्रतिमा निर्माण गरिने यसअघि नै उपमहानगरपालिकाले निर्णय गरिसकेको छ । यसअघि भारतको अयोध्या (भगवान रामको जन्मभूमि) मा ९ हजार स्वाइयर फिटको प्रतिमा बनाइएको थियो । जुन प्रतिमाले विश्व रेकर्ड बन्यो । तर जनकपुरमा ११ हजार स्वाइयर फिटको प्रतिमा बनेपछि नयाँ रेकर्ड बन्ने मेयर साहले बताए ।
अनाजबाट भगवान श्रीराम जानकीको प्रतिमा भारत मध्य प्रदेश सतिश गुर्जरले निर्माण गर्नेछन् । उनको टिम जनकपुरधाम आइपुगेको छ । यसवर्ष अगामी पुस १ गते विवाह पञ्चमी परेको छ । जनकपुरधाममा साताव्यापी विवाह पञ्चमी कार्यक्रम अन्य वर्ष झै मनाइनेछ । रंगभूमि मैदानमा अन्नबाट ११ हजार स्कावयर फिटको राम–जानकीको प्रतिमा बनाउने निर्णयप्रति सामाजिक सञ्जालमा देशमा भोकमरी रहेको अवस्था मूर्ति बनाउने नाममा खेर फाल्नु कार्य गलत रहेको भनी व्यापक विरोध हुँदै आएको छ ।
यो विषयमा आफ्नो प्रतिक्रिया दिनुहोस् !