जनकपुरधाम । जनकपुरधामस्थित त्रिभुवन विश्वविद्यालय अन्तर्गतका रामस्वरुप रामसागर बहुमुखी क्याम्पस (राराब) क्याम्पसका आफुविरूद्ध भ्रष्टाचार आराेपमा विद्यार्थीहरूले गरिरहेकाे विरोध प्रदर्शन बारे क्याम्पस प्रमुख प्रा.डा. वसन्त कर्णले मुख खाेलेका छन् ।
गत पांच दिन अघि आफु र क्याम्पसलाई बदनाम गर्न केही परिचालित विद्यार्थीहरूले गलत र फर्जी हिसाब देखाएर भ्रममा पार्न खाेजिएकाे भन्दै ध्यानाकर्षण गराउने प्रमुख कर्णले मंगलवार एक पत्रकार सम्मेलन आन्तरिक राजश्व कार्यालयले टीडिएस विवरण लिक गरेर गाेपनियता चुहावट गरेकाे भनी दिएकाे अभिव्यक्ति र प्रेस वक्तब्यले विद्यार्थीहरूकाे आवाज सही हाे पुष्टि गर्छ ।
उनकाे याे स्वीकार्यताले विद्यार्थीबाट असुलिएका कराेडाै रूपैयाकाे अनियमितता र माैजमस्तीमा दुरूपयाेग भएकाे भन्ने प्रष्टयाउंछ ।
स्वतन्त्र विद्यार्थी युनियन (स्ववियु)का पूर्वसभापति मनिष यादवको नेतृत्वमा क्याम्पसमा अध्ययनरत विद्यार्थी क्याम्पस प्रमुख कर्णविरूद्ध राजीनामा र कारवाहीकाे माग गर्दै आन्दाेलनरत छन । उनीहरू शुक्रवारदेखि धर्ना समेत दिदै आएका छन् ।
लाेकपुकारलाई प्राप्त गत आर्थिक वर्ष २०८२-०८३ लेखा परीक्षणको टिडीएस विवरणअनुसार निर्मला श्रेस्ठ भन्ने व्यक्तिलाई ४० लाख ८५ हजार ६६५, शारदा देवी लामिछानेलाई ८ हजार ६ सय रुपैया उपलब्ध गराएको हो । ती रकम के कुन प्रयोजनाका लागि दिइएको हो भन्ने बारे पत्रकार सम्मेलनमा कुनै जानकारी उनले दिएका छैनन् ।
होटलमा खाना, खाजा तथा आवासमा मात्रै ९ लाखभन्दा बढी रकम खर्च ती विवरणमा उल्लेख छ । विवरणअनुसार होटल सीताशरणलाई १ लाख २१ हजार ४ सय, रोशन भोजनालयलाई १ लाख ३० हजार १३० र पटेल अण्डा पसललाई मात्रै २ लाख ७१ हजार ४६५ रुपैया खर्च गरिएको छ ।
यी खर्च मध्ये पटेल अण्डा पसल बारे मात्र क्याम्पसमा आउने अतिथिलाई उनकै अर्काे हाेटलमा खाना खुवाएकाे स्पष्टीकरण दिए, अन्य बारे केही बाृलेनन् । प्रमुख कर्णले भनेकाे पटेल अण्डा पसलकाे अर्काे पसल खानाकाे हाेइन दारूमांसकाे हाेटल हाे ।
सबभन्दा बढी आलाेचना भईरहेका आरती किराना तथा कस्टेमिक पसललाई ५ लाख ३ हजार ३२० रुपैया बारे उनले ती पसल संचालक सराेज यादवकै प्यान नम्बरमा दर्ता रहेकाे टुर्स ट्राभ्लसबाट विद्यार्थीहरूकाे भ्रमणका लागि गाडी भाडा बापत भुक्तानी गरिएकाे सफाई दिएका छन ।
उनकाे कुराले विद्यार्थी झै पत्रकारलाई झुक्याउन खाेजिएकाे प्रष्ट हुन्छ । उनले भने अनुसारकाे कस्मेटिक पसल, संचालक यादव र टुर्स ट्राभ्लसकाे एउटै हाेइन तीनवटा प्यान नम्बर हुनुपर्ने हाे । एउटै प्यानमा तीन/तीनवटा व्यवसाय संचालन हुन सक्दैन । यसले के देखाउंछ भने क्याम्पस प्रमुखले झुटाे बाेलिरहेका छन् । यदि उनी सांचाे हुन भने उनले भनेका गरिएकाे काराेबार हाे देखाउंछ ।
भ्रमणकै कुरा गर्ने हाे भने विराट एसी बसलाई नै १ लाख ४८ हजार ३३५ रुपैया भुक्तानी गरिएको विवरणमा उल्लेख छ ।
आन्दोलनरत विद्यार्थीहरुले क्याम्पस प्रमुखृृृणण कर्णलाई अविलम्ब राजीनामा गराई घटनाको निष्पक्ष छानबीन गरी विद्यार्थीबाट उठाइएको शुल्क दुरुपयोग गर्ने कर्मचारीलाई कारवाही गर्नुपर्ने माग गर्दै माग सम्बोधन नभए आन्दोलनमा चेतावनीसमेत दिएका छन् ।
यता क्याम्पस प्रमुख कर्णले यसअघि बिहीवार आफूमाथि गलत आरोप लगाएको भन्ने ध्यानाकर्षणपत्र जारी गर्दै जनाएको छ । उनले केही व्यक्तिले आफ्नो स्वार्थ पूर्ति हुन नसकेको कारण भ्रामक खबर फैलाएको दाबी गरेका छन् ।
यो विषयमा आफ्नो प्रतिक्रिया दिनुहोस् !