चितवन । नेकपा एमालको १० औं राष्ट्रिय महाधिवेशनको उद्घाटनसत्र चितवनको नारायणी नदीको किनारमा आज सम्पन्न भएको छ ।
नारायणी किनारमा ३ लाख मानिसहरूको उपस्थितिमा नेकपा अध्यक्ष केपी शर्मा ओलीले महाधिवशनको उद्घाटन गरे । कार्यक्रम भएको स्थानमा झण्डै ४० प्रतिशत कार्यकर्ता पुग्नै सकेनन् ।
एमाले अध्यक्ष ओलिले जनसागर नारायणी नदिको किनारमा देखेर एमालेको महाधिवेशन सफल भएको दाबी गरे । देशलाई एकजुट बनाउन अब फेरि देशमा एमालेको सरकार आउनुपर्ने आवश्यकता भएको उनको भनाई थियो ।
देश बनाउन, सार्वभौसम सत्ताको रक्षा गर्न, लोकतन्त्रको रक्षा गर्न, संविधानको रक्षा गर्न र संविधानको गलत ब्याख्यालाई सच्चाएर अघि बढ्न तथा दिगो विकासको लक्ष्य अबको ९ वर्षभित्र पुरागर्न पनि एमालेको बहुमतको सरकार आवश्यक भएको ओलीले तर्क गरेका छन् ।
नेपाललाई दुनियाँको अघि साधन स्रोत सम्पन्न बनाउन एमालेले मात्रै सक्ने उनले बताए । ओलीले छिमेकी देशसँग वास्तविक छिमेकीपन कायम गर्न चाहेको बताए । अधिवेशनको उद्घाटनमा भारत सहित विभिन्न देशको नेताहरुलाई आमन्त्रित गरिएको थियो ।
एमालेको अधिवेशनमा प्रधानमन्त्री शेरबाहादुर देउवा, राप्रपा अध्यक्ष कमल थापा, माओवादी नेता लिलामणि पोख्रेल, चित्र बहादुर केसी, उपेन्द्र यादव र महनेथ ठाकुर लगायतको नेताहरुले शुभकामना दिएका थिए । राप्रपा अध्यक्ष कमल थापाले नेकपा एमाले देशको प्रमुख शक्ति भएको बताए ।
उनले केपि ओलीको सुझबुझ र मार्गदर्शनले देशको स्वाभीमान एक इन्च पनि दायाँबायाँ नभइ भारतीय नाका बन्दीलाई खुलाएका थिए । यस्तै केपि ओलीले दीर्घकालिन हुने गरी तेल, रेल र विजुलीको आर्थिक खाका तयार पारेको भन्दै केपि ओलीको गुनगान गएका थिए ।
केपि ओलीले मधेशमा देखीएको पृथकतावादी आन्दोलनलाई रोक्न र विप्लबलाई शान्तीपूर्ण मुलधारमा ल्याएर, लिम्पियाधुरा समेटेर नेपालको सीमारक्षा गर्ने प्रतिवद्धता व्यक्त गरेर, चुच्चे नक्का बनाएर संविधानमा संस्थागत गर्ने महत्वपूर्ण काम गरेर नेपाल र नेपालीलाई गुण लगाएको बताए ।
यो विषयमा आफ्नो प्रतिक्रिया दिनुहोस् !