जनकपुरधाम । आन्तरिक मामिला तथा सञ्चार मन्त्रालयले काेराेना महामारीका बेला पनि लाखाै रूपैया बैठक र भ्रमण भताकाे नाममा कुम्ल्याएका छन ।
गत आर्थिक बर्ष २०७७/०७८ काे काेराेनाकालमा जहाँ जनतालाई खान लाउन धाै धाै परिरहेकाे थियाे जनतालाई राहत दिनुकाे सट्टा मन्त्री ज्ञानेन्द्र यादव र राज्यमन्त्री सराेजसिह कुशवाहाले भ्रमण खर्च वापत २२ लाख १३ हजार रुपैयाँ बुझेकाे छ ।
पदाधिकारीको पारिश्रमिकमा १६ लाख ५८ हजार रुपैयाँ खर्च गरेको छ । त्यस्तै, निजामती कर्मचारीको पोशाकमा समेत २ लाख ८० हजार रुपैयाँ खर्चिएको छ ।
समितिको बैठक भत्ता शीर्षकमा १ लाख ४३ हजार, मूल्याङकन समितिको बैठक भत्तामा १ लाख ७१ हजार, निजामति कर्मचारीले पाउने भत्तामा ८ लाख २८ हजार, पदाधिकारी बैठक भत्ता १२ लाख ६४ हजार, पदाधिकारीको अन्य सुविधावापत ५३ लाख ८८ हजार, पानी तथा विजुलीमा १ लाख ८८ हजार, सञ्चार महसुल २ लाख ८३ हजार रूपैया खर्चेकाे छ ।
पदाधिकारीको इन्धनमा १२ लाख ४० हजार, कार्यालय प्रयोजनका लागि इन्धन वापत ११ लाख ४४ हजार, सवारी साधन मरम्मतमा २४ लाख ९६ हजार र मसलन्द तथा कार्यालय सामग्रीमा २८ लाख ७० हजार रुपैयाँ मनोमानी रुपले खर्च गरिएको देखिएको छ ।
सुरक्षित बेटी अभियान शीर्षकमा १६ लाख ९७ हजार, विपद राहत सामग्री खरिदमा १३ लाख ४७ हजार, शान्तिका लागि खेलकुद कार्यक्रममा २९ लाख १७ हजार, शान्तिका लागि खेलाडीहरुको बन्द प्रशिक्षणमा १३ लाख ७ हजार रुपैयाँ खर्च गरेको देखिएको छ ।
त्यस्तै, विविध खर्च १९ लाख ९४ हजार, शान्ति सुरक्षा विशेष विविध खर्चमा २६ लाख ७० हजार गरी सो मन्त्रालयले कुल ११ करोड ९४ लाख ५३ हजार रुपैयाँ खर्च गरेको देखिएको छ ।
आर्थिक बर्ष २०७७/०७८ मा मन्त्रालयको कुल बजेट ३० करोड ७१ हजार रहेकोमा ११ करोड ९४ लाख ५३ हजार रुपैयाँ खर्च गरी १८ करोड ६ लाख १७ हजार बांकी बजेट फ्रिज भएकाे छ ।
यो विषयमा आफ्नो प्रतिक्रिया दिनुहोस् !