जनकपुरधाम, जेठ २० गते । जनता समाजवादी पार्टी (जसपा) मा विवाद चरमोत्कर्षमा पुगी अध्यक्षद्वय महन्थ ठाकुर र उपेन्द्र यादवले एक अर्कालाई निष्काशन गरेको छ ।
जसपाका संघीय परिषद् अध्यक्ष बाबुराम भट्टराई, अध्यक्ष उपेन्द्र यादव पक्षले पार्टी अध्यक्ष महन्थ ठाकुरसहित चार नेतालाई पार्टीबाट निष्कासन गरेको छ भने अध्यक्ष महन्थ ठाकुरले उपेन्द्र यादवलाई निष्काशन गरेको छ । दुवैले एक अर्कालाई निकाषण गरेको पत्राचार निर्वाचन आयोगमा समेत गरेको छ ।
प्रधानमन्त्री केपी शर्मा ओली सरकारको प्रतिगमनमा कांध थाप्ने गरी सहयोग गरेको भन्दै जसपाका यादव र भट्टराई पक्षले अध्यक्ष महन्थ ठाकुर, राजेन्द्र महतो, लक्ष्मणलाल कर्ण र सर्वेन्द्रनाथ शुक्ला सहितका नेतालाई पार्टीबाट निष्काषण गरेको आयोगलाई जनाएको छ ।
मंगलबार पार्टी कार्यालय बालकुमारीमा बसेको कार्यकारिणी समितिको बैठकबाट पार्टीको विधान र राजनीतिक दल सम्बन्धी ऐनको व्यवस्था बमोजिम तिनीहरुलाई निषकासन गरिएको कुरा एक प्रेस विज्ञप्ति जारी गरी जनाएको छ ।
त्यस्तै अध्यक्ष ठाकुरले पनि पार्टीको विधान, निती र निर्णय विपरित गर्दै आएकोमा पटक पटक स्पष्टीकरण सोध्दा पनि कुनै जवाफ नदिएको र पार्टीको सम्पर्कमा नआएकोले केन्द्रिय कार्यकारिणी समितिको बैठकमा उपेन्द्र यादवलाई पार्टीबाट निष्काशन गरिएको आयोगलाई जनाएको छ ।
यो विषयमा आफ्नो प्रतिक्रिया दिनुहोस् !