लोक समाचारदाता
जनकपुरधाम, फागुन २५ गते ।
महोत्तरीको औरही नगरपालिकामा प्रदेश स्तरीय प्रथम मेयर कप भलिबल प्रतियोगिता सम्पन्न भएको छ ।
औरही नगरपालिका ३ श्री शोन्फी दशै उच्च माविको प्राङगमानमा आयोजित सो प्रतियोगितामा भलिवल तर्फ सशस्त्र प्रहरीका टिमले विजयी भएका छन् । फाईनल खेलमा धनुषा भलिवल टिमलाई हराउदै सशस्त्र प्रहरीले जित्न सफल भएको हो ।
गत २२ फागुनदेखि सुरु भएको मेयर कपमा प्रदेशका ८ वटै जिल्लाका भलिवल टिम सहभागि भएका थिए । त्यसैगरि भलिवलमा सर्लाहीका टिमले तेस्रो स्थान प्राप्त गरेका थिए ।
प्रतियोगितमा समापन समारोहमा औरही नगरपालिका मेयर सुनिलकुमार यादवले विजेता टिमहरु पहिलो, दोस्रो र तेस्रोलाई क्रमश ९० हजार, ५० हजार र २५ हजार रुपैया नगद पुरस्कारसहित शिल्ड प्रदान गरेका थिए ।
त्यसैगरि, राष्टपति खेलखुद प्रतियोगितामा अन्तर्गत भएका विभिन्न खेलमा प्रथम, दृतिय,तृतिय र चौथो हुने विद्यार्थीहरुलाई समेत पुरस्कार वित्तरण गरिएको छ । राष्टपति खेलखुद प्रतियोगितामा अन्तर्गत हाईजम्फ, लोङ जम्फ, सोनो तथा छोटो दुरीको दौड र हाजरि जवाफ प्रतियोगिता सम्पन्न भएको थियो ।
मेयर कप समापन समारोहलाई सम्बोधन गर्दै मेयर यादवले खेलकुदप्रति युवा विद्यार्थीहरुको रुचि बढाउन मेयर कपको आयोजना गरिएको बताए ।
खेलकुदको हिसावमा प्रदेश २ कमजोर रहेको उल्लेख गर्दै मेयर यादवले भने, यस्ता खेलकुद प्रतियोगिताले यस क्षेत्रका खेलाडीहरुको हौसला बढ्ने तथा खेलकुदप्रति युवा विद्यार्थीहरुको रुचि बढ्छन् ।
यो विषयमा आफ्नो प्रतिक्रिया दिनुहोस् !