जनकपुरधाम, कात्तिक १६ गते । टुडे आवाज अनलाईनका पत्रकार दिपक कर्णलाई समाचारको विषयलाई लिएर गाली गलौज सहित धाक धम्की दिने व्यक्तिले गलती स्वीकार गरी आत्मलोचना गरेका छन ।
जनकपुरधामका एक वडा अध्यक्षले अर्का वडाध्यक्षलाई कुटेको भन्ने शिर्षकको समाचारमा सम्बन्धित वडाध्यक्ष जनकपुरधाम वडा नम्बर ५ का अध्यक्ष बेचन साहका छोरा बाबा भन्ने गोविन्द साहले समाचारको विषयलाई लिएर बुधबार बिहान फोनमार्फत पत्रकार कर्णलाई गालीगलौज सहित अभद्र व्यवहार गर्दै ज्यान मार्ने धम्की समेत दिएका थिए ।
दोषी गोविन्द साहले आफ्नो गलती स्वीकार गर्दै आत्मलोचना गरेर माफी माग्दै आइन्दा यस्तो गलती नदोहरयाउने नेपाल पत्रकार महासंघ धनुषा शाखासँग प्रतिबद्धता जनाएका छन ।
नेपाल पत्रकार महासंघ धनुषा शाखाका अध्यक्ष मनिका झाको समन्वयमा बसेको बैठकमा दोषीले गलती स्वीकार पिडित पत्रकार कर्ण समक्ष गलती स्वीकार आइन्दा गलती यस्तो नगर्ने प्रतिबद्धता समेत गरेका हुन ।
सो बैठकमा महासंघ धनुषाका उपाध्यक्ष अवधेश कामत, निवर्तमान अध्यक्ष अनिल मिश्र, पत्रकार सुभाष कर्ण, जयन्त ठाकुर, दिपक कर्ण, राजा झा, युवा नेताहरू राकेश विक्रम साह, अखिल मढिकर्मी, महेश साह, भरत साह लगायतको उपस्थिति रहेको थियो ।
यो विषयमा आफ्नो प्रतिक्रिया दिनुहोस् !