जनकपुरधाम, भदाै ८ गते । महाेतरीकाे बर्दिबास नगरपालिका २ बुद्ध चाेकमा कृष्णाष्टमीकाे अवसरमा आयाेजित मेलामा प्रहरी ताेडफाेड गरेकाेे घटनाले उत्पन्न विवाद साम्य भएकाे छ ।
कमीशन नदिएकाे निहुंमा प्रहरीले मेलामा अवराेध गर्दै स-सानामा पसलमा ताेडफाेड गरि क्षति पुरयाएकाे भन्दै आन्दाेलनरत पक्ष र प्रहरीबीच ४ बुंदे सहमति पश्चात विवाद साम्य भएकाे हाे ।
बुधवार बेलुका बर्दिबास नगरपालिकाका मेयर प्रहलाद क्षेत्रीकाे राेहबरमा करीब ४ घण्टाकाे छलफल पश्चात मेलामा भएको बन्द र ताेडफाेडमा भएकाे सम्बन्धित पिडीत पक्षलाई दिइने र साे क्षतिपुर्तिकाे छानबीन गरि लगत तयार गर्न नगरपालिकाको वडा नं. १४ न. का अध्यक्ष विजयकुमार महतोको संयोजकत्वमा ३ सदस्यीय समिति गठन गर्ने, भोलिदेखि सडक जाम, बन्दकाे कार्यक्रम आन्दाेलनरत पक्षले फिर्ता लिने लगायतका ४ बुंदे सहमति भएकाे क्लबका अध्यक्ष झाले जानकारी दिएका छन ।
यसका साथै प्रहरीले मेलास्थलबाट नियन्त्रणमा लिएकाे एम्पलीफायर लगायतका सामाग्री फिर्ता दिने, डिएसपी रवि रावलले गलती स्वीकार गर्दै मेला बारे जानकारी आभावमा नाकारात्मक असर पर्ने गरि प्रकाशन गर्ने सञ्चार माध्यमलाई खण्डन गराउन लगाउने पनि सहमति भएकाे जनाइएकाे छ ।
ईलाका प्रहरी कार्यालयबाट खटिएका प्रहरी टाेलीले मेलाकाे नाममा जुवातास खेलाएकाे, अवैध घरेलु मदिरा बिक्री वितरण भइरहेकाे र आर्केष्ट्रा आयाेजना गरेकाे भन्दै मंगलवार दिउंसाे मेला अवराेध गर्दै त्यसमा थापिएका पसलहरूमा ताेडफाेड गर्दै सांस्कृतिक कार्यक्रम एवं पुजापाठका राखिएका एम्पलिफायर बाजा सहितका सामाग्री नियन्त्रणमा लिएकाे थियाे ।
आयाेजक पक्ष सहित स्थानीयवासी कमीशन नदिंदा प्रहरीले ज्यादती गर्दै ताेडफाेड गरेकाे भनी घटना पश्चात् सडक जाम गर्दै टायर बालेर प्रहरी विरूद्ध आन्दाेलनमा उत्रेका थिए । साे आन्दाेलनले कुनै पहल नभएपछि आन्दाेलनरत पक्षले वडा नम्बर २ कार्यालयमा तालाबन्दी गरेपछि दुवै पक्षबीच वार्ताकाे माध्यमबाट विवाद समाधान गर्न मेयर क्षेत्रीले पहल गरेका थिए । साे वार्तामा आन्दाेलनरत पक्षबाट अध्यक्ष झाकाे नेतृत्वमा ७ सदस्यीय स्थानीय टाेली र प्रहरीकाे तर्फबाट डिएसपी रावल सहित इन्सपेक्टर भीम कटुवालकाे सहभागिता रहेकाे थियाे ।
यो विषयमा आफ्नो प्रतिक्रिया दिनुहोस् !