जनकपुरधाम, साउन ३ गते । जनकपुरधाम उपमहानगरपालिका वडा नम्बर १६ का वडाध्यक्ष रामचन्द्र पजियारको निजी लगानीमा सञ्चालन गरिएको तीन महिने निःशुल्क कम्प्युटर तालिम सम्पन्न भएको छ।
तालिममा सहभागी २२५ जना विद्यार्थीहरूमध्ये १०० जना प्रशिक्षार्थीहरू उत्तीर्ण भएका छन्। उतिर्ण मध्ये कार्यक्रमका प्रमुख अतिथि ८९ वर्षीया जेष्ठ नागरिक रामपरी देवी बडहीले पहिलाे प्रमाण प्रशिक्षार्थी स्नेहा ठाकुरलाई प्रदान गरिएको थियो।
तालिममा प्रथम स्थान हासिल गरेका प्रतिभा पण्डित र विटु कुमार मण्डलले बराबर अंक ल्याएका थिए। गोलाप्रथामार्फत विटु कुमार मण्डललाई प्रथम घोषणा गरिए पनि बराबरी अंकका आधारमा दुवै जनालाई कम्प्युटर सेट पुरस्कार प्रदान गरिएको छ।
त्यसैगरी, निशान्त मिश्र द्वितीय तथा युवराज ठाकुर तृतीय भएका छन्। उक्त तालिमको लागि वडाध्यक्ष रामचन्द्र पजियारले आफ्नै लगानीमा २० वटा कम्प्युटर खरिद गरेका थिए।
तालिमले स्थानीय युवा–युवतीहरूमा डिजिटल सीप विकास गर्दै रोजगारीका अवसरतर्फ मार्ग प्रशस्त गरेको आयोजक पक्षले जनाएका छन्।
आफुले अधिकांस बजेट पुर्वाधार विकास निर्माणमा लागेपछि सिपमूलक शिक्षातर्फ आकर्षित गर्न आफ्नै लगानीमा कम्प्युटर तालिम गराएकाे र आउने दिनमा राेजगारमूलक ब्युटिशियन तालिम र लाेकसेवा आयाेग तयारी कक्षा संचालन लगायतका कार्यक्रम संचालन गर्ने याेजना रहेकाे छ ।
यो विषयमा आफ्नो प्रतिक्रिया दिनुहोस् !