जनकपुरधाम, भदौ २१ गते । कलवार जातिका स्वजातिय संस्था व्याहुत सेवा समितिका अध्यक्षले आफ्नो अनियमितता लुकाउन समयमा साधारण सभा र अधिवेशन नगरेको आरोप लगाइएको छ ।
कार्यकाल सकिन्न मात्र ३ दिन बाकी रहेको अवस्थामा अध्यक्ष श्याम साहले विशेष साधारण सभाका लागि सूचना जारी गर्दा समितिमा आबद्ध सदस्यहरुले आफ्नो अनियमितता लुकाउन अध्यक्षज्यूले कार्यकाल थप्न विशेष साधारण सभाको आह्वान गरेको आरोप लगाएका हुन् ।
वर्तमान कार्यसमितिको यहि मिति भदौ २४ गते राति बजेबाट कार्यकाल सकिदैछ । कार्यकाल सकिन्न एक दिन अगाडि भदौ २३ का दिन विशेष साधारण सभाको आह्वान गरेको हो । वैवाहिक सहितका विभिन्न कार्यक्रम आयोजनाको भाडा र बलभद्र पुजाबाट आउने लाखाै रकम समितिको आम्दानीको प्रमुख श्रोत हो ।
ती रकमहरु अनियमिता गरेको कारण हरहिसाबको कागजात मिलाउन साधारण सभा र अधिवेशन समयमा नगराई कार्यकाल म्याद थपका लागि विशेष साधारण सभा गर्न लागेकाे ।
साे विशेष साधारण सभाबाट म्याद थप्न नसके तदर्थ समितिले निर्वाचन गराउने र पछि त्यो मुद्दा सेलाएपछि अनियमिता लुकाउन सफल हुने योजना अध्यक्ष साहको रहेको सदस्यहरुको भनाई छ ।
विधानमा साधारण सभा र अधिवेशन मार्फत आयविवरण सार्वजनिक गर्न नसकेपछि त्यसको हरहिसाब सार्वजनिक गर्ने व्यवस्था नरहेको कारण समितिमा अनियमिता बढदै गएकाले यस्ता गतिविधिमा संलग्नलाई कारवाहीको व्यवस्था संशोधन मार्फत गर्नुपर्ने सदस्यहरुको माग रहेको छ ।
समयमै साधारण सभा र अधिवेशन नगरी विशेष साधारण सभा आफ्नो अनियमितता लुकाउन आह्वान गरिएको भन्ने आरोप बारे अध्यक्ष साहले भने ‘यो आरोप निराधार र गलत हो ।
प्राविधिक कारणले साधारण सभा गर्न सकिएन र जहाँसम्म अधिवेशनको कुरा हो प्राविधिक कारण तथा यसैबीचमा बलभद्र पूजामा लागेपछि गर्न नसकिएको हो । त्यसैका लागि विधान अनुरुप विशेष साधारण सभाको आह्वान गरेका हौं ।’
कार्यकाल सकिन्न मात्र एक दिन अगाडि विशेष साधारण सभा बोलाउनुको औचित्य के यदि कुनै परिणाम निस्कन नसके भन्ने जिज्ञासामा उनले भने ‘त्यो त विशेष साधारण सभाको परिणामले बताउने हो । परिणाम निस्किन नसके विधान अनुरुप नै हामी अघि बढनेछौं र तदर्थ समितिले सो निर्वाचन गराउनेछ ।’
अध्यक्षको कार्यशैलीबाट राजीनामा दिइसकेका समितिका महासचिव जितेन्द्र प्रसाद साहले पनि साधारण सभा अध्यक्ष साहकै कारण हुन नसकेको आरोप लगाए । उनले भने ‘हामीले साधारण सभाको तयारी पुरा गरिसकेका थियौं, तर अध्यक्षले गराउन मानेनन् । अनियमितता बारे जिज्ञासा राख्दा उनले यस बारे आफूलाई जानकारी नरहेको अध्यक्षज्यूसँग नै सोध्नुस ।’
अध्यक्षले गरेको अनियमितताबाटै असन्तुष्ट भएर राजीनामा दिएको भन्ने जिज्ञासामा उनले भने ‘अनियमितताका काण नभई निवर्तमान अध्यक्ष शम्भु साहको मुद्दामा पंचायत गर्न अध्यक्ष साहले गर्न नमानेपछि विधान विपरित कार्य गरेकोमा राजीनामा दिएको थिए ।
विधानको दफा १५ (ब) लाई टेकेर अध्यक्ष साहले आफ्नो कार्यकाल अझ ३ महिना थप्न विशेष साधारण सभा बोलाएको हो । सो दफामा ‘कुनै कारणवश कार्य समितिको पदावधि भित्र निर्वाचन गराउन असमर्थ भएको खण्डमा विशेष साधारण सभा बोलाई अनुमोदन गराई ३ महिना थप गर्न सकिने’ भनिएको छ ।
सोही विधानको दफा ११ को २ (ख) बमोजिम साधारण सभाको गणपुरक संख्या कुल सदस्यको २५ प्रतिशत मात्र हुनेछ । तर गणपुरक संख्याको अभावमा सभा बस्न नसके, पुनः विशेष साधारण सभा बोलाउनु परेमा सो पुनः बसेको गणपुरक संख्यालाइ उपस्थितिलाइ मानिनेछ । यस अर्थमा २५ प्रतिशत पनि सदस्य समर्थनमा नरहेपछि पुनः साधारण सभा बोलाएर म्याद थप्न सकिने हो । तर अध्यक्ष साहले ढिलाई गरेकोमा सो अवसर पाउने अवस्था देखिदैन ।
यदि विशेष साधारण सभा पनि समस्या समाधान हुन नसके विधानको दफा २५ (क) बमोजिम निर्वाचन सम्पन्न गराउन तदर्थ समिति गठन गरिनेछ ।
विधानको सो दफामा ‘विधान अनुसार समय भित्र निर्वाचन नगराएमा संरक्षक सदस्यहरुको बैठक बसी पुराना कार्य समितिलाई विघटन गरी निर्वाचन समिति गठन गरी निर्वाचन गराउन सक्नेछ । र सो कार्यका लागि ३ महिना भित्र निर्वाचन सम्पन्न गर्ने गरी तदर्थ समिति गठन गरिनेछ ।
यो विषयमा आफ्नो प्रतिक्रिया दिनुहोस् !