जनकपुरधाम, १५ फागुन । राष्ट्रिय स्वतन्त्र पार्टी (रास्वपा) मा प्रवेशकाे जनलहरले आसन्न प्रतिनिधि सभाकाे निर्वाचनमा नजबूत स्थिति बन्दै गएकाे छ ।
शुक्रवार नेपाली काङ्ग्रेस जनकपुरधाम–२५ का उपसभापति मनोज यादवले पार्टी परित्याग गर्दै राष्ट्रिय स्वतन्त्र पार्टी (रास्वपा) मा आबद्ध भएका छन्। जनकपुरधाममा आयोजित एक कार्यक्रमका बीच उनले औपचारिक रूपमा नयाँ पार्टीको सदस्यता ग्रहण गरेका हुन्।
यादवसँगै महेन्द्र पासवान, जोगिन्द्र यादव र सुभेस यादवले पनि काङ्ग्रेस छाडेर रास्वपामा प्रवेश गरेका छन्। नवप्रवेशीहरूलाई रास्वपाका उम्मेदवार मनिष झा तथा स्थानीय पदाधिकारीहरूले फुलमाला टीका र दाेसल्ला ओढाई पार्टीमा स्वागत गरेका थिए।
यस्तै जनकपुरधाम-१८ महुवाका राजनीतिक रुपले सक्रिय तथा उर्जावान युवा व्यवसायी शैलेश अधिकारी समेत प्रवेश गरेका छन ।
कार्यक्रमलाई सम्बोधन गर्दै नवप्रवेशी मनोज यादवले देशमा सुशासन, पारदर्शिता र विकासमुखी राजनीति आवश्यक रहेको उल्लेख गर्दै सोही लक्ष्यसहित रास्वपामा जोडिएको बताए।
स्थानीय तहमा जनअपेक्षा अनुसार काम गर्न वैकल्पिक राजनीतिक शक्तिको खाँचो महसुस भएकाले आफूले रास्वपामा प्रवेश गर्न निर्णय लिएको उनले भने ।
रास्वपाका स्थानीय नेतृत्वले नयाँ सदस्यहरूको आगमनले संगठनात्मक संरचना थप बलियो बन्ने विश्वास व्यक्त गरेका छन्। पछिल्ला दिनहरूमा मधेश प्रदेशका विभिन्न जिल्लामा दल परिवर्तनको गतिविधि बढ्दो देखिएको छ, जसले आगामी निर्वाचनको राजनीतिक समीकरणमा असर पार्ने सम्भावना बढेकाे छ ।
यो विषयमा आफ्नो प्रतिक्रिया दिनुहोस् !