जनकपुरधाम, असार २३ गते । बालविवाह राेकथाम गर्न जनकपुरधाम उपमहानगरपालिकाको सहयोग र लोक सञ्चार जनकपुरधामको प्रस्तुतीमा जनचेतनात्मक सडक नाटक प्रदर्शन गरिएको छ ।
बालविवाहजस्ता सामाजिक कुप्रथाको अन्त्य र समुदायमा चेतना फैलाउने उद्देश्यले आयोजित उक्त नाटक जनकपुरधाम उपमहानगरपालिकाको वडा नं. ११ र १५ मा प्रदर्शन गरिएको हो ।
सो सडक नाटकमा रामनारायण ठाकुर, गङ्गाकान्त झा, रोशनी कर्ण, बिरेन्द्र साह, प्रकाश भण्डारी, रञ्जित मण्डल, सोनी कर्ण, ज्योति कुमारी कर्ण, तनिशा साह लगायतका कलाकारहरूको आकर्षक अभिनय छन् । नाटकले बालविवाहका कारण उत्पन्न हुने सामाजिक, मानसिक र स्वास्थ्यसम्बन्धी समस्याहरूलाई प्रभावशाली ढंगले प्रस्तुत गरेको थियो ।
स्थानीय बासिन्दाहरूको बाक्लो उपस्थिति र सहभागिताले कार्यक्रमलाई थप प्रभावकारी बनाएको थियो । कार्यक्रम संयोजकका अनुसार यस्ता नाटकहरू अन्य वडाहरूमा पनि सञ्चालन गर्दै जानुपर्ने आवश्यकता देखिएको छ ।
यो विषयमा आफ्नो प्रतिक्रिया दिनुहोस् !