जनकपुरधाम, कार्तिक १६ गते । धनुषा ३(क)मा जनमत पार्टीबाट प्रदेशसभा सदस्यमा उम्मेदवार डा. प्रसन्न झाले भ्रष्टाचार अन्त्य गर्न जनप्रतिधि परिवर्तन आवश्यक रहेकाे कुरामा जाेड दिएका छन ।
धनुषा ३(क) प्रदेशसभा सदस्यका उम्मेदवार झाले बुधबार जनकपुरधाम वडा नम्बर २०मा घरदैलो कार्यक्रमकाे क्रममा उनले यस्ताे बताएका हुन् । घरदैलोका लागि देवपुरा रुपैठा पुगेका उम्मेदवार झाले आफ्नो र जनमत पार्टीको पक्षमा मत मागेका थिए ।
यस अघि यहाँका मतदाताले जिताएको प्रतिनिधि भ्रष्टाचारमै चुर्लुम्म डुबेको जनताले बुझि सकेकाले अब युवा उम्मेदवारलाई अवसर दिन उने आग्रह गरेका थिए । भ्रष्टाचारलाई जड़ैदेखि निर्मूल नपारिएसम्म प्रदेश र देशको विकास नहुने बताउँदै उम्मेदवार झाले स्वच्छ छविका उम्मेदवारलाई मत दिन आग्रह गरे ।
मधेस प्रदेशको शिक्षा र स्वास्थ्यको अवस्था त जर्जर छ नै त्यसमाथी भौतिक संरचना निर्माणमै करोडौ खर्च गरिएपनि विकासको अनुभूति हुन नसकेकोमा दुःख व्यक्त गरे । विकासको नाममा करोडौँ खर्च हुन्छ तर काम कागजमै सीमित हुन्छ यस्तै परिपाटीको अन्त्य गर्नका लागि आफूले उम्मेदवारी दिएको मतदाता माझ डा. झाले बताए ।
यसका साथै आफू युवा रहेकाले म भित्र केही गर्ने ईच्छ र आँट मलाई मत दिनुस केही गरेर देखाउँछु उनले भने ।
यो विषयमा आफ्नो प्रतिक्रिया दिनुहोस् !