जनकपुरधाम, भदौ ३० गते । महोत्तरी जिल्लाको मटिहानी नगरपालिकाका मेयर हरि प्रसाद मण्डलले जनतालाई हरेक क्षेत्रमा सेवा पुर्याउन पालिका कटिबद्ध रहेको प्रतिबद्धता जनाएका छन ।
बिहीवार मटिहानी नगरपालिका ५ गोबरौडा र घोरघासको बीचमा पर्ने दुधमती नदीमा नव–निर्मित झुलङ्गे पूलको आज उद्घाटन गर्दै मेयर मण्डलले झुलुङ्गे पुल निर्माणले यहाँका जनतालाई आवत–जावतमा ठूलो टेवा पुग्ने बताए ।
नगरपालिकाको सहयोगमा ४५ लाखको लागतमा निर्मित करीब ३२ मिटर लामो सो पुल निर्माणले गोबरौडा र घोरघासका जनताले मात्रै नभई अन्य गाउँका स्थानीयलाई समेत आवत जावतमा सहयोग पुग्ने उनले बताए ।
उनले स्थानीय जनतालाई आवात जावतमा सहयोग मात्रै होइन यसले एउटा पर्यटकीय दृष्टिकोणले ठूलो महत्वपूर्ण राख्ने भएकाले यसको संरक्षण गर्न स्थानीयवासीको भूमिका महत्वपूर्ण रहेको बताए ।
मटिहानी नगरपालिका र धनुषाको मुखियापट्टी मुसहरनिया गाउँपालिकाका तुलसीयाही जोड्ने विग्घी नदीमा समेत अर्का झुलंगे पुलको एक समारोह बीच मेयर मण्डलले शिलान्यास गरेका छन । ४५ मिटर लामो सो ६५ लाखको लागतमा निर्माण हुनेछ ।
कार्यक्रममा मटिहानी नगरपालिका उप–प्रमुख मन्जु देवी साह, वड़ा अध्यक्षहरु जीतनारायण माझी, कलीम अंसारी, रितेश साह, नाजिर राईन, मिश्री नायक, कार्यपालिका सदस्य अरुण नाहर, महोत्तरी उद्योग बाणिज्य संघका पूर्व अध्यक्ष मोहन गुप्ता, वर्तमान उपाध्यक्ष अजय चौधरी, पूर्व वड़ा अध्यक्ष गणेश प्रसाद साह लगायतका उपस्थिति रहेका थिए ।
यो विषयमा आफ्नो प्रतिक्रिया दिनुहोस् !