जनकपुरधाम । आगामी वैशाख ३० गते हुने स्थानीय तहको निर्वाचनमा जनकपुरधाम उपमहानगरपालिकाको मेयर पदका लागि प्रमुख दलहरुको रस्साकस्सीमा रमण कन्स्ट्रक्सनका संस्थापक बलराम महतोले स्वतन्त्रबाट उम्मेदवारी घोषणा गरेको छ ।
शनिवार एक पत्रकार सम्मेलन आयोजना गरी महतोले आफु व्यवसायीक जिवनबाट विश्राम गर्दै जनकपुरधामको विकासका लागि समर्पित हुन यस पटक मेयर पदमा उम्मेदवारी दिने बताए । जनकपुरधाम र माता जानकीको कृपाले आफनो पेशा र व्यवसायमा सफल भएको दाबी गर्दै महतोले आफूलाई केही कमी छैन, सबै तरिकाले सम्पन्न छु बिना कुनै लोभ लालचमा जनकपुरधामको सेवा गर्ने मन जुडाएको छु ।
राजनितिक दलहरुले जनकपुरधामको विकास गर्न नसक्दा जनकपुरधामवासीलाई सास्ती भोग्नु परिरहेकोले अब निस्वार्थ समाज सेवा गर्न मेयर पदमा आफ्नो उम्म्ेदवारी पर्ने उनले बताए ।
उनले पाँच वर्षको कार्यकालमा एउटा लामखुट्टे समेत नियन्त्रण गर्न नसक्नु दुखद रहेको भन्दै व्यक्तिगत स्वार्थको चरम दुरुपयोग र भ्रष्टाचारको नमुना रहेको आरोप लगाए ।
तपाई निर्माण व्यवसायीहरु रहेकोले उम्मेदवारी दिन्नै नपाउने व्यवस्था रहेको प्रसंगमा महतोले भने आफु नगरवासीको सेवा गर्न आफ्नो सम्पूर्ण निर्माण सहितका व्यवसाय आफना नयाँ पुस्तालाई जिम्मेवारी दिई त्यसबाट मुक्त छु । उनले भने ‘म राजनिति गर्न वा पैसा कमाउन होइन जनकपुरधामको विकास र सेवा गर्न आएको हुँ ।
’ उचित अनुभव, निस्वार्थ भावना र अठोट भएको नेतृत्व नपाएकै कारण जनकपुरधाम पछाडि परेको छ । स्वतन्त्र उम्मेदवार भन्दै आफुलाई कमजोर आंकलन नगर्न समेत उनले दलहरुलाई आग्रह गरे ।
निर्माण व्यवसायी महतोले आफूले ३० वर्षसम्म देशको पूर्वाधार विकासमा महत्वपूर्ण योगदान पुर्याएको दावी गर्दै महतोले ‘म सँग रहेको सीप, श्रम र भौतिक निर्माणको अनुभव अब नगरको विकासमा खर्चिनेछु अठोट लिएर मेयर पदको तयारीमा जुटेको बताए । उनले जनकपुरधामको महत्वकांक्षी आयोजना नेपाल रेल्वेको ट्रयाक लाइनदेखि विदेशीको मुख्य आकर्षण र देशकै गौरवको आयोजना धरहरा पुर्ननिर्माण गर्ने सौभाग्यसमेत आफूले पाएकोमा गौरवान्वित मसहुस गरेको बताए ।
महतोले ‘पार्टीको नेता हैन स्थानीय विकासमा समर्पित जनसेवकलाई चुनौ’ भन्ने नाराका साथ आफू चुनावी मैदानमा होमिएको बताए । आफ्नो उम्मेदवारी विशुद्ध विकासका लागि भएको दाबी गर्दै महतोले नगरमा हुने संस्थागत भ्रष्टाचार अन्त्य गर्ने प्रतिबद्धता समेत व्यक्त गरेका छन् ।
यो विषयमा आफ्नो प्रतिक्रिया दिनुहोस् !