प्रहरी हिरासबाट फरार ७ थुनुवा मध्ये ४ पक्राउ

लोक समाचारदाता
लहान, मंसिर १८ गते ।
सिरहा प्रहरी हिरासबाट भागेका सातमध्ये चार जनालाई पुनः पक्राउ गरिएको छ ।
शनिबार इलाका प्रहरी कार्यालय महेशपुर पतार सिरहाको हिरासतमा रहेका ११ जना थुनुवामध्ये सात जना थुनुवा खाना खुवाउने क्रममा फरार भएका थिए । पक्राउ पर्नेमा नवीन यादव, गणेश साह, रन्धीर यादव र साखुनन्कर भोर रहेको छ ।
फरार मध्ये अन्य तीन जनाको खोजी कार्य जारी रहेको सिरहाका प्रहरी उपरीक्षक उमाप्रसाद चतुर्वेदीले जनाएको छ । थुनुवा भागेको प्रकरण छानबिन गर्न दुई नम्बर प्रदेश प्रहरीका प्रहरी उपरीक्षक हरिराज वाग्लेको नेतृत्वमा पाँच सदस्यीय छानबिन टोली गठन गरिएको छ ।