जनकपुरधाम। गुणस्तरीय उच्च तहकाे शिक्षामा धनुषाको मुखियापट्टी मुसहरनियाँ गाउँपालिकाले ठुलाे फड्काे मारेकाे छ ।
गाउँपालिकाका अध्यक्ष जयकुमार यादवकाे निरन्तर संघर्ष र मेहनतले बीबीए र बीपीएएमकाे पढाइ अब स्थानीय जनताले गाउँमै पाउने भएकाे छ । गाउँबाट शहर जाने समस्या टरेकाे छ ।
मधेश विश्वविद्यालयबाट सम्बन्धन प्राप्त गाउँपालिकाकाे वडा नम्बर ४ तुल्सियाहीस्थित श्री बैद्यनाथ देवनारायण जनता बहुमुखी क्याम्पसमा बीबीए र बीपीएएमकाे पढाइ शुरू भएकाे हाे ।
मधेश विश्वविद्यालयल स्नातक तहका Bachelor of Public Administration and Management (BPAM) र Bachelor of Business Administration (BBA) कार्यक्रम सञ्चालनका लागि सम्बन्धन उक्त क्याम्स प्रदान गरेकाे हो।
सम्बन्धन प्राप्त गरे लगतै मंगलवार असार ३० गतेदेखि बीबीए र बीपीएएममा नामांकन खुल्ला गरिएकाे गाउंपालिका अध्षक्ष जयकुमार यादवले जनाएकाे छ । उनका अनुसार साउन १७ गतेसम्म नामांकन फार्म भर्न सकिने र साउन २१ गते प्रवेश परीक्षाकाे समयावधि ताेकिएकाे छ ।
विश्वविद्यालयका रजिष्ट्रार विजय कुमार यादवले भने क्याम्पसले पेश गरेको निवेदन तथा अनुगमन प्रतिवेदनको मूल्याङ्कनपछि तोकेको मापदण्ड पूरा गर्दा सम्बन्धन दिइएकाे बताएका छन् ।
क्याम्पसलाई सम्बन्धन प्राप्त भएसँगै धनुषा तथा आसपासका विद्यार्थीले व्यवस्थापन र सार्वजनिक प्रशासन विषयमा अध्ययनका लागि गाउँपालिका भित्रै नयाँ शैक्षिक अवसर पाउने अपेक्षा गाउंलेहरूकाे रहेकाे छ।
यो विषयमा आफ्नो प्रतिक्रिया दिनुहोस् !