जनकपुरधाम । दुईपाङ्ग्रे सवारी साधन उत्पादनमा विश्वभर परिचित टीभीएस मोटर कम्पनीले आफ्नो चर्चित स्पोर्ट्स सिरिज अन्तर्गतको नयाँ टीभीएस अपाचे आरटीआर १६० ४भी मोटरसाइकल जनकपुरधाममा औपचारिक रूपमा बजारमा ल्याएको छ।
जनकपुरधामस्थित आधिकारिक विक्रेता आएन मोटर्स ले आयोजना गरेको कार्यक्रममा जनकपुरधाम उद्योग वाणिज्य संघका अध्यक्ष सुरेन्द्र भण्डारी, आएन मोटर्सका सञ्चालक रामबालक महतो तथा जगदम्बा मोटर्स प्रालिका नेसनल सेल्स हेड हरी न्यौपानेले संयुक्त रूपमा नयाँ मोडल सार्वजनिक गरेका हुन्।
कम्पनीका अनुसार अपाचे आरटीआर १६० ४भीमा पहिलो पटक प्रोजेक्टर हेडल्याम्प, ३७ एमएम अपसाइड–डाउन (यूएसडी) फ्रन्ट सस्पेन्सन र ५ इन्चको टीएफटी डिजिटल डिस्प्ले जस्ता आधुनिक प्रविधि समावेश गरिएको छ।
यी सुविधाले विशेषगरी रातिको यात्रामा स्पष्ट दृश्य, सहज सञ्चालन तथा उत्कृष्ट नियन्त्रण प्रदान गर्ने विश्वास कम्पनीको छ। १५९.७ सीसी क्षमताको इन्जिन जडान गरिएको यस मोटरसाइकलले स्पोर्ट मोडमा १७.५५ पीएससम्म शक्ति उत्पादन गर्ने जनाएको छ।
चालकको आवश्यकता अनुसार स्पोर्ट, अर्बन र रेन गरी तीन प्रकारका राइडिङ मोड उपलब्ध गराइएको छ। सुरक्षालाई प्राथमिकता दिँदै ड्युअल–च्यानल एबीएस प्रणाली, ५ स्पिड गियरबक्स तथा १२ लिटर क्षमताको इन्धन ट्यांकी राखिएको कम्पनीले जनाएको छ।
नयाँ अपाचे आरटीआर १६० ४भीको जनकपुरधाममा एक्स–शोरूम मूल्य ४ लाख २९ हजार ९ सय रुपैयाँ निर्धारण गरिएको छ। यो मोटरसाइकल म्याट ब्ल्याक, रेसिङ रेड र मरिन ब्लु गरी तीन आकर्षक रङमा उपलब्ध हुनेछ।
कार्यक्रममा जगदम्बा मोटर्सका सेल्स प्रमुख विपिन बोगटीले नेपाली युवाको रोजाइ र आवश्यकता अनुरूप नवीन प्रविधियुक्त मोटरसाइकल उपलब्ध गराउने कम्पनीको लक्ष्य रहेको बताए।
त्यस्तै टीभीएसका प्रिमियम बिजनेस हेड विमल सुम्ब्लीले नयाँ अपाचेले १६० सीसी श्रेणीमा कार्यसम्पादन र प्रविधिका हिसाबले नयाँ मापदण्ड स्थापित गर्ने विश्वास व्यक्त गरे।
यो विषयमा आफ्नो प्रतिक्रिया दिनुहोस् !