जनकपुरधाम, पुस २८ गते । विकास निर्माणमा भ्रष्टाचार र अनियमितताको मूल जड उपभोक्ता समिति रहेको भन्दै त्यसलाई खारेज गर्नुपर्ने माग वक्ताहरुले गर्नु भएको छ ।
शनिवार जनकपुरधाममा आयोजित निर्माण व्यवसायी संघ धनुषाको १६ औं साधारण सभालाई सम्बोधन गर्ने वक्ताहरुले यस्तो माग गर्नु भएको हो । कार्यक्रममा बोल्ने वक्ताहरुले टेण्डर प्रक्रियामा नगई उपभोक्ता समिति मार्फत काम गराउने गरेको कारण काम पनि कमसल हुने र भ्रष्टाचार पनि व्यापक रुपमा हुने गरेकाले त्यसलाई खारेज गर्नुपर्ने माग अघि सारे ।
कार्यक्रममा बोल्ने वक्ताहरु मध्ये निर्माण व्यवसायी संघ मधेश प्रदेशका अध्यक्ष सुरेन्द्र चौधरी र पूर्व निर्माण व्यवसायी तथा प्रदेश सांसद दिपेन्द्र ठाकुर लगायतका वक्ताहरुले जोडदार रुपमा माग गरेका छन् । उनीहरूले उपभाेक्ता समिति राजनीतिक दल र मन्त्रीकाे कार्यकर्ता पाल्ने प्रक्रिया मात्र रहेकाे आराेप समेत लगाएका थिए ।
संघीय सरकारले उपभोक्ता समिति प्रक्रिया खारेज नगरेपनि प्रदेश र स्थानीय सरकारले त्यसमा चासो लिनुपर्नेमा जोड दिदैं उपभोक्ता समितिको कारण निर्माण व्यवसायीहरुले भोग्नु परेको समस्या बारे पीडा पोखेका थिए ।
कार्यक्रमका प्रमुख अतिथि प्रदेशका भौतिक पूर्वाधार विकास मन्त्री कृष्ण यादवले पनि विकास निर्माणमा कमसल काम र भ्रष्टाचार उपभोक्ता समिति मार्फत नै हुने गरेको स्वीकार गर्दै आगामी वर्षदेखि उपभोक्ता समितिका लागि तोकिएको ५० लाखभन्दा बढीको योजना मात्र ल्याएर टेण्डर प्रक्रिया मार्फत काम गराउने प्रतिबद्धता जनाए । उनले यश प्रकार याेजनाले उपभोक्ता समिति स्वतः निस्तेज हुन जान्छ ।
यस्तै निर्माण व्यवसायी महासंघका वरिष्ठ उपाध्यक्ष एडी लामाले समयमा निर्माण व्यवसायीले काम गर्न नसक्नुको प्रमुख कारण साइट क्लिलिएर नहुनु, समयमा मेटेरियल उपलब्ध लगायतका समस्या भोग्नु परिरहेको पीडा सुनाउनु भयो ।
देशैभरिको कुनैपनि ठेक्का मात्र ४/५ जना निर्माण व्यवसायी पाउने गरेकाले बांकीलाई चाकरी गर्नुपर्ने अवस्था रहेको भन्दै जुन प्रदेशका लागि योजना ल्याइन्छ त्यस प्रदेशका निर्माण व्यवसायीलाई ज्वाइन्छ भेन्चरको रुपमा राख्नुपर्ने माग गरे । उनले भने यदि प्रदेशका निर्माण व्यवसायीलाई राख्दैन भने कामै गर्न नदिनुस् निर्माण व्यवसायीहरुसँग आग्रह गरे ।
कार्यक्रममा निर्माण व्यवसायी महासंघका वरिष्ठ उपाध्यक्ष एडी लामाले गएकाे साउन महिनामा प्रधानमन्त्री कार्यालयबाट सचिवस्तरीय भएको सहमति यथाशिघ्र कार्यान्वयन नगरे सशक्त आन्दोलन गर्ने चेतावनी दिए ।
निर्माण व्यवसायी संघ धनुषाका अध्यक्ष अशोक चौधरीको अध्यक्षतामा सम्पन्न उद्घाटन सत्रमा जनकपुरधाम उपमहानगरपालिका मेयर मनोज साह, निर्माण व्यवसायी महासंघका महासचिव रोशन दाहाल, जनकपुरधाम उद्योग वाणिज्य संघका अध्यक्ष जितेन्द्र महासेठ, जिसस धनुषाका पूर्व उपसभापति दिपक झा, संघीय आयोजना कार्यान्वयन इकाई जनकपुरधामका प्रमुख प्रदीप खनाल लगायतका व्यक्तिहरुले आ आफ्ना धारणा राखेका थिए । सो कार्यक्रममा निर्माण व्यवसायी सहित विभिन्न संघ संस्थाका प्रतिनिधिलाई सम्मान समेत गरिएको थियो ।
यसअघि जसपा नेता एवं निर्माण व्यवसायी रमण कन्स्ट्रक्सनका संचालक बलराम महतोले निर्माण व्यवसायी संघको नवनिर्मित भवनको उद्घाटन समेत गरेका थिए ।
यो विषयमा आफ्नो प्रतिक्रिया दिनुहोस् !