जनकपुरधाम । अगामी आर्थिक वर्ष २०८०÷८१ का लागि जनकपुरधाम उपमहानगरपालिकाले २ अर्ब २८ करोड २३ लाख ६९ हजार २९० रुपैयाँको अनुमानित बजेट ल्याएको छ ।
शुक्रबार आयोजना गरेको १० औँ नगर सभामा नगर उपप्रमुख किशोरी साहले आर्थिक वर्ष २०८०/८१ का लागि २ अर्ब २८ करोड २३ लाख ६९ हजार २९० रुपैयाँको अनुमानित आयव्यायको विवरण प्रस्तुत गरेका हुन् ।
विनियोजित बजेट मध्ये चालु खर्चतर्फ १ अर्ब १३ करोड ६२ लाख, पुंजिगत खर्चतर्फ ५६ करोड ९५ लाख १८ हजार २९०, वित्तिय व्यवस्थापन तर्फ ५ करोड ३३ लाख ३४ हजार र युआरएलआईपी संचालन तर्फ ५२ करोड ३३ लाख १७ हजार रुपैयाँ रहेको छ । कुल बजेट मध्ये विकास निर्माण योजना संचालनका लागि नगरस्तरीय (नगरप्रमुख अधिन) बजेट ८१ करोड ९१ लख ५२ हजार २९० र वडास्तरीय २९ करोड ९७ लाख रहेको छ ।
कुल विनियोजित विभिन्न पांचवटा विकास समिति मार्फत खर्च गरिनेछ । पेश गरिएको बजेट अनुसार आर्थिक विकासमा ६ करोड २९ लाख ७५ हजार, सामाजिक विकासमा ६७ करोड २८ लाख ४३ हजार ५ सय, पूर्वाधार विकासमा ९० करोड ९८ लाख ८८ हजार २९०, वन, वातावरण तथा विपद् व्यवस्थापनमा ६ करोड २ लाख ८७ हजार पांचसय, सुशासन तथा संस्था विकासमा ५७ करोड ६३ लाख ७५ हजार रुपैया विनियोजित गरिएको छ ।
उल्लेखित बजेटको आयश्रोत आन्तरिक स्रोतबाट ८० करोड ४३ लाख ११ हजार २९०, वाह्य स्रोतबाट १ अर्ब ३९ करोड ४२ लाख ९८ हजार तथा युआरएलआईपी संचालनको लागि नगर विकास कोषबाट प्राप्त हुने आन्तरिक ऋण ८ करोड ३७ लाख ६० हजार राजश्व, ऋण तथा अनुदान प्राप्त हुने अनुमान गरिएको छ । आन्तरिक स्रोततर्फ आन्तरिक राजश्व ५२ करोड ७ लाख ६० हजार, नेपाल सरकार राजश्व बाँडफाँडबाट ३४ करोड ८४ लाख २६ हजार एक सय, प्रदेश सरकार राजश्व बाँडफाँडबाट १ करोड ८८ लाख ८५ हजार १९०, नगर विकास कोष ऋण ८ करोड ३७ लाख ६० हजार रुपैया प्राप्त हुने अनुमान बजेटमा गरिएको छ ।
उपमहानगरपालिकाको सञ्चित कोषमा बैंक मौज्दात २० करोड रहेको र वाह्य स्रोततर्फ अन्तर सरकारी वित्तिय हस्तान्तरणबाट १ अर्ब ३९ करोड ४२ लाख ९८ हजार राजश्व र अनुदान प्राप्त हुने अनुमान रहेको बजेट प्रस्तुत गर्दै उपप्रमुख साहले जानकारी दिए । उपमहानगरका २५ वटै वडाका लागि एक करोड १ लाखदेखि १ करोड ४६ लाखसम्म गरी कूल २९ करोड ७० लाख रुपैया बजेट सिलिङ्गको आधारमा छुटयाएको छ ।
नेपाल सरकारको सशर्त अनुदानबाट ६० करोड २९ लाख र नेपाल सरकार समानीकरण अनुदानबाट ३२ करोड ५० लाख, नेपाल सरकार समपुरक अनुदानबाट १ करोड २५ लाख र युआरएलआईपी कार्यक्रम संचालनको लागि ४० करोड १२ लाख २३ हजार गरि जम्मा १ अर्ब ३४ करोड १६ लाख २३ हजार राजश्व तथा अनुदान प्राप्त हुने उनले जनाए । प्रदेश सरकार सशर्त अनुदानबाट १ करोड ५० लाख, प्रदेश सरकार विशेष अनुदानबाट ७५ लाख, प्रदेश सरकार समपुरक अनुदानबाट ५० लाख र प्रदेश सरकार समानिकरण अनुदानबाट २ करोड ५१ लाख ७५ हजार गरी ५ करोड २६ लाख ७५ हजार राजश्व तथा अनुदान प्राप्त हुने अनुमान बजेटमा गरिएको छ ।
रामजानकी अन्तर्राष्ट्रिय रंगशालामा थप निर्माण गर्न २० लाख, सार्वजनिक स्थानमा फोहरमैला संकलनको लागि डस्टबिन व्यवस्थापन गर्न ३० लाख, लामखुट्टे नियन्त्रणको लागि अध्ययन गर्न २० लाख तथा सोको प्रतिवेदन अनुरुप कार्य गर्न थप २ करोड ५० लाख, नगरपालिकाको आफ्नो सवारी साधन पार्किंगस्थल तथा ग्यारेजको लागि १ करोड ५० लाख, नगर सौन्दर्यकरण योजना तथा फोहरमैला प्रसोधन केन्द्र निर्माणको लागि २ करोड ५ लाख, रंगभूमि मैदान व्यवस्थापनको लागि सहलगानी अनुरुप २० लाख, र घुम्ती शौचालय खरिद गरि संचालन गर्न ३५ लाख रुपैयाँ विनियोजन गरिएको छ ।
निती तथा कार्यक्रम
बजेट प्रस्तुत अघि आगामी आर्थिक वर्षको नीति तथा कार्यक्रम प्रस्तुत गर्दै नगर प्रमुख मनोजकुमार साहले स्वास्थ्य, शिक्षा, पूर्वाधारको विकासलाई जोड दिनुका साथै सुशासनलाई प्राथमिकतामा राखिएको जानकारी दिए ।
आगामी आ.व.मा जानकी मन्दिर चारैतिर पैदल मात्र हिडन पाउने व्यवस्था सहित भिजिट जनकपुरधाम मोबाइल एप्लीकेशन संचालनमा ल्याइने, सबै विद्यालयमा घुम्ति स्वास्थ्य जाँच कक्षको व्यवस्था, जडीबूटी पार्क निर्माण, नगरस्तरीय आयुर्वेद उपचार केन्द्रको विकास, स्थानीय पाठ्यक्रम संचालनमा ल्याइने निती लिइएको छ ।
यसका साथै वडालाई लक्षित गरी एक वडा एक खेल मैदान र एक विद्यालय एक खेल मैदान, एक वडा एक पोखरी, एक वडा एक उत्पादन, एक वडा एक पशु फर्म सहित वडाहरुबाट अनलाईन सेवा, नगरमा सिसिटीभी जडान, अनलाईन मार्फत कर बुझाउने प्रविधिको विकास र जनकपुरधामलाई देशकै सांस्कृतिक राजधानी घोषणा गर्न नेपाल सरकारसँग पहल गर्ने लगायतका कार्यक्रमहरु निती तथा कार्यक्रममा समेटिएको छ ।
यो विषयमा आफ्नो प्रतिक्रिया दिनुहोस् !