जनकपुरधाम, कार्तिक २८ गते । धनुषा क्षेत्र नम्बर १ मा जनमत पार्टीबाट प्रतिनिधिसभा सदस्यका उम्मेदवार किशोरी साह कलमले म जितेपछि धनुषा १ मा परिवारवादको अन्त्य गर्नेछु प्रतिबद्धता जनाएका छन ।
निर्वाचन प्रचार प्रसारको केही दिन मात्रै बाँकी रहेको समयमा घरदैलो अभियानलाई तीव्रता दिएका छन् । साेही क्रममा चुनावी प्रचारप्रसार तथा घरदैलो कार्यक्रममा कमलले यस्ताे प्रतिबद्धता जनाएका हुन ।
कमलले सम्मुनत समाज निर्माणका लागि जनमत पार्टीको पक्षमा मतदान गर्नका लागि अपिल गरेका हुन् । पाँच वर्षसम्म यसै क्षेत्रबाट प्रतिनिधिसभामा बसेका व्यक्तिले विकासको काममा अग्रसरता नदेखाएको र आफ्नो आसेपासेलाई देख्नुका साथै परिवारवादमा मात्रै लागेको आरोप लगाउँदै यस प्रवृतिको अन्त्यका लागि मलाई मत दिनुस भन्दै मतदाताहरुलाई आग्रह गरे ।
यो क्षेत्रको विकासका लागि जनमत पार्टीको हातमा नेतृत्व आउनु अति आवश्यक रहेको उनको भनाई थियो । उनले मतदाताहरुलाई यस पटक विवेक प्रयोग गरेर मतदान गर्नुपर्नेमा जोड दिए ।
पूर्वाधार, शिक्षा, स्वास्थ्य, बाटो निर्माणदेखि लिएर महिला वालवालिका, जेष्ठ नागरिक र अपाङगता भएकाहरुको अधिकार संरक्षण गर्दै सशक्तिकरण गर्ने, सेवा प्रवाहलाई छिटो छरितो गर्ने लगाएका योजनाहरुलाई निर्वाचित भएपछि आफूले प्राथमिकता दिने कमलको भनाई थियो ।
यो विषयमा आफ्नो प्रतिक्रिया दिनुहोस् !