जनकपुरधाम, भदौ ३१ गते । हत्याका विभिन्न घटनामा संलग्न पांचजना आरोपीलाई धनुषा प्रहरीले पक्राउ गरेका छन ।
महिलाको हत्या, आफ्नै आमाको हत्या र आफ्नै साथीको हत्या गरी फरार भएको आरोपमा पक्राउ परेका पांचौ जनालाई जिल्ला प्रहरी कार्यालय धनुषाले शुक्रवार एक पत्रकार सम्मेलन आयोजना गरी सार्वजनिक गरेका छन ।
वैदेशिक रोजगारमा रहेका धनुषाको शहीदनगर नगरपालिका ३ अरुण कुमार दासको श्रीमति बबितिया देवी दासको हत्या आरोपमा विरेन्द्र दास, उमेश दास र शत्रुधन दासलाई पक्राउ गरेको हो ।
घटनामा संलग्न आरोपीहरु विरेन्द्र मृतक बबितिया देवीका जेठाजु हुन भने उमेश दास मृतककी जेठाजु विरेन्द्रका काका र शत्रुधन दास आरोपित विरेन्द्रका सालो रहेको जिप्रका धनुषाका प्रहरी उपरिक्षक बसन्त रजौरेले जनाएको छ ।
बबितिया देवी र उनका जेठाजु विरेन्द्रबीच अनौतिक सम्बन्ध रहेको थियो । भाई र गाउँ समाजका मानिसहरुले थाहा पाउंछ कि भन्ने डरले विरेन्द्रले योजनाबद्ध तरिकाबाट घाँटी कसि बबितियाको हत्या गरेको प्रारम्भिक अनुसन्धानमा देखिएको घटना बारे जानकारी दिदैं प्रहरी उपरिक्षक रजौरेले भने ।
उनका अनुसार घटनालाई ढाकछोप गर्न आरोपितहरुले बलात्कार गरी अरु कसैले मारेको भनी घटना देखाउन लाशलाई घरबाट लगी बाँसघारीमा फालेको र मृतकले लगाउएको ब्लाउज र चप्पल घटनास्थल घरमै राखेको थियो, तर सफल हुन सकेन ।
त्यसैगरी आफ्नै आमाको हत्या आरोपमा सबैला नगरपालिका ५ मखनाहाका मनोज मण्डल र आफ्नै साथीको हत्या गरेको आरोपमा धनौजी गाउँपालिका ५ का राजीवकुमार मण्डललाई वैदेशिक रोजगारमा रहेको अवस्थामा त्यहींबाट पक्राउ गरिएको उनले बताए ।
एक वर्ष अघि २०७८ भदौ २६ गतेका दिन सरोजलाई ज्यान मार्ने उद्देश्यले मनिष कुमार मण्डल र राजीवकुमार मण्डलले धारिलो हतियार प्रहार गरी घाइते बनाएको थियो । सो घटनामा आरोपितहरु जिल्ला अदालतबाट रिहा भएपछि वैदेशिक रोजगारमा गए ।
उनीहरु वैदेशिक रोजगारमा रहेकै बेला वैशाख महिनामा घाइते सरोजको उपचारकै क्रममा काठमाडौस्थित ट्रमा सेन्टर अस्पतालमा मृत्यु हुन गयो । उनको मृत्यु पश्चात पिडीत पक्षले कर्तव्य ज्यानको दिएको अर्को जाहेरीको आधारमा धनुषा प्रहरीले इन्टरपोलको मद्दतले कतारबाटै राजीवलाई पक्राउ गरी ल्याइएको प्रहरी उपरिक्षक रजौरेले जानकारी दिए ।
प्रहरी उपरिक्षक रजौरेले यी तीन वटै घटनाका आरोपितहरु विरुद्ध थप अनुसन्धानका लागि जिल्ला अदालतबाट म्याद थप गराई अनुसन्धान थालिएको जानकारी दिए ।
यो विषयमा आफ्नो प्रतिक्रिया दिनुहोस् !