जनकपुरधाम, भदौ ८ गते । कमीशन नदिएको कारण प्रहरीले विभिन्न बहानाबाजी गरी कृष्णाष्टमीको अवसरमा लगाइएको मेलामा ज्यादती गर्दै तोडफोड गरेको आरोप महोत्तरीको बर्दिबास नगरपालिका स्थित बुद्धचोकवासीहरुले आरोप लगाएका छन ।
बर्दिबास नगरपालिका वडा नम्बर २ बुद्धचोकमा स्थानीय जनजागृति युवा क्लबको आयोजना गरिएको कृष्णाष्टमी मेलामा प्रहरीद्वारा तोडफोड गरिएपछि स्थानीयवासी आन्दोलित भएका छन ।
बिहानैदेखि आन्दोलनरत स्थानीयवासी बर्दिबास औरही सडकखण्ड जाम सहित टायर बालेर बिहानैदेखि गर्नुका साथै वडा कार्यालयमा समेत तालाबन्दी गरेका छन । सो सडक जामले गर्दा बिहानैदेखि सवारी साधन ठप्प रहेको बुझिएको छ ।
प्रहरीले गरेको तोडफोडका कारण स्थानीय स साना एक दर्जन व्यवसायीको लाखौ रुपैयाको क्षति हुनुका साथै केहीलाई कुटपिट समेत गरेको छ भने आर्केष्ट्रा गरेको भनी मेलामा सांस्कृतिक कार्यक्रम तथा पुजापाठका राखिएका एम्पलीफायर सहितका बाजा समेत उठाएर लगेको मेला आयोजकले आरोप लगाएका छन ।
आयोजक पक्ष क्लबका अध्यक्ष दिपु झाले हामीले जिल्ला प्रशासन कार्यालयसँग भदौ १० गतेसम्मका लागि इजाजत लिएर नै मेला आयोजना गरेका थियौं, चार दिन स्थानीय प्रशासनले सहयोग पनि गरयो । तर प्रहरीले मागेकाेे कमीशन नदिंदा आर्केष्ट्रा नचाएको, जुवातास खेलाएको र अवैध घरेलु मदिरा बेचेको आरोप लगाउंदै मेलामा ज्यादती गर्दै तोडफोड गरेको आरोप लगाएका छन ।
पिडीत स्थानीय व्यवसायीहरुले प्रहरीले प्रति स्टलकाे दरले कमीशन मागेकाे, नदिएपछि आफु गरीब साना व्यवसायीको पसलमा तोडफोड गर्ने अनि गरेको गलतीबाट बच्न अवैध मदिरा बेचेको र जुवातास खेलाएको आरोप लगाउनु यो कहाँको न्याय हो प्रतिप्रश्न गरेका छन ।
घटना बारे ईलाका प्रहरी कार्यालयका प्रमुख डिएसपी रवि रावलले म एउटा घटनामा व्यस्त छु, फेसबुक पेजमा सबै कुरा लेखिदिएको छ र जिल्लामा जानकारी गराइसकेको भनी शुरूमा कुरा गर्न चाहेन । पछि प्रहरीले कमीशन मागेकाे स्था नीयकाे आरमेप बारे जिज्ञासा राख्दा उनले याे आराेप गलत रहेकाे भन्दै आराेप लगाउनेलाई प्रमाण देखाउन चेतावनी दिए । डिएसपी रावलले उल्टै आयाेजक पक्षमाथि मेलाकाे नाममा ८ लाख रूपैया उठाएकाे आराेप लगाए । हुनत ईप्रका बर्दिबासले आफ्नो फेसबूक पेजमा मेलाको अवसरमा अवैध रुपमा विक्री वितरणका लागि राखिएको ५०/६० लिटर घरेलु मदिरा स्थानीयको रोहबरमा नष्ट गरिएको मात्र जनाएको छ ।
जिल्ला प्रहरीका कार्यालय महोतरीका एसपी कृष्णप्रसाद पंगेनीले घटना बारे खासै जानकारी भएन तर मैले बुझेसम्म सो ठाउँमा मेलाको नाममा आर्केष्ट्रा, जुवातास र अवैध घरेलु मदिरा बेचेको कारण प्रहरीले हटाएको हो भने ।
प्रहरीले लगाएको आरोप बारे स्थानीय समीर कश्यपले भने मेला आयोजना भएपछि सानातिना खेलतमाशा त हुन्छन नै त्यो त जुनपनि ठाउँमा हुन्छ, जहाँसम्म आर्केष्ट्राको कुरा हो, हामीले धरान र इटहरी सहित स्थानीय कलाकारको सहयोगमा सांस्कृतिक कार्यक्रम गरेका थियौं । जसमा कुनैपनि अश्लीलता भएको थिएन, विशुद्ध धार्मिक सांसस्कृतिक कार्यक्रम रहेकाे दाबी गर्दै प्रहरीकाे आराेप गलत रहेकाे उनले भने ।
अर्का एक स्थानीयले यहाँ बर्दिबासमा बजारदेखि हाइवेसम्म प्रायः हाेटेलमा खुलेआम रूपमा याैन धन्धा भइरहेकाे छ, त्यहां प्रहरीकाे नजर पुग्दैन किनकी त्यहांबाट प्रहरी महिनाबारी उठाउंदै आएकाे छ । तर हामी गरीब मान्छे यहाँ मेलामा साना व्यवसाय थाप्दा कमीशन नपाएपछि भगवानकाे मेला शिविरमा ताेडफाेड गर्नु भनेकाे हिन्दु संस्कृतिमाथि नियाेजित प्रहार रहेकाे भने ।
त्यस्तै अर्का स्थानीय अवधेशले भने मेलामा सानातिना खेलतमासा र सांस्कृतिक कार्यक्रम हुन्छ नै याे ठुलाे कुरा हाेइन, यदि हामी गलत छाै भने यही बर्दिबासमा कयौं महोत्सव र मेला आयोजना भएको छ । सबैमा आर्केष्ट्रा र जुवाताश खेलाइएको छ । त्यस बेला कमीशन पाएपछि प्रहरीले केही नबोल्ने अनि हामीले कमीशन नपाएपछि भगवानकाे मेलामा ज्यादती गर्दै तोडफोड गर्नु हिन्दु संस्कृतिमागि प्रहार हो । उनले हामीले कुनै गलती गरेका छैनौ, यदि गलती भयो भने सूचना दिएपछि हामी आफै मेला बन्द गरिदिन्थौं भने ।
आयोजक पक्ष तथा स्थानीयवासी प्रहरीले आफ्नो ज्यादतीलाई गलती स्वीकार गरी तोडफोडमा गरिएको क्षतिको क्षतिपूर्ति नगरेसम्म आफूहरुको आन्दोलन जारी रहने चेतावनी दिएका छन । प्रहरी र आयोजक पक्षबीच सहमतिका लागि मेयर प्रहलाद क्षेत्र र वडाध्यक्ष समेत पहल गर्ने प्रतिबद्धता जनाएपनि हालसम्म केही चासो लिएको छैन ।
यो विषयमा आफ्नो प्रतिक्रिया दिनुहोस् !