जनकपुरधाम । स्थानीय तह निर्वाचनको मिति घोषणा लगतै जनकपुरधाम उपमहानगरपालिकाको मेयर पदका लागि हरेक पार्टीमा लविङ्ग शुरु भएको छ ।
प्रत्येक पार्टीबाट दुई देखि ५/५ जनासम्म मेयर पदका दाबेदारी गर्दै आएका छन । यसैक्रममा लोकतान्त्रिक समाजवादी पार्टीबाट मनोज चौधरी पनि आकांक्षी देखिएका छन । उनले पनि पार्टी भित्र आफ्नो दाबेदारी प्रस्तुत गर्दै आएका छन ।
मेयरका आकांक्षी चौधरीको नेतृत्व तथा कार्यकाल विभिन्न संघ संस्थामा सफल रहेको छ । पार्टीका केन्द्रिय सदस्य रहिसकेका चौधरी हाल जनकपुरधाम उपमहानगरपालिकाका नगर अध्यक्षका जिम्मेवारी सम्हालिरहेका छन । लोसपा जिताउ अभियान सफल पार्न चौधरी उपमहानगरको वडाहरुमा कमिटी गठन गर्दै संगठन विस्तारमा लागेका छन ।
तात्कालिन जनकपुर अंचल बस व्यवसायी संघमा सदस्यबाट प्रवेश गरेका चौधरी गत १६ वर्षको अवधिमा दुर्घटना बीमाका संयोजक हुँदै मेयर पदका प्रत्याशी चौधरी अहिले माँ जानकी यातायात प्रा.लि. का अध्यक्ष रहेका छन । बस व्यवसायी संघमा तीन कार्यकाल र माँ जानकी यातायात प्रा.लि.मा वर्तमान कार्यकाल सहित चौथो पटक उनी अध्यक्षका जिम्मेवारी सम्हालिरहेका छन ।
उनको कार्यप्रति इमान्दारिता, दक्षता र सहयोगी स्वाभावकै कारण उनी बस व्यवसायीहरुको छाता संगठनमा तीन पटक चुनाव लडेर र एक पटक सर्वसम्मतले अध्यक्ष पदमा निर्वाचित भई भूमिका चौधरीले निर्वाह गर्दै आएका छन । यसका अतिरिक्त उनी जनकपुर अञ्चल ग्यास व्यवसायी संघमा सदस्य देखि अध्यक्षसम्मका करीब ८ वर्ष सफलतापुर्वक कार्यकाल पुरा गर्दै जिम्मेवारी वहन गरिसकेका छन ।
जनकपुर पेट्रोलियम एशोसिएनमा समेत उनी एक कार्यकाल उपाध्यक्षको जिम्मेवारी निर्वाह गरिसकेका छन भने जनकपुर उद्योग वाणिज्य संघमा समेत कार्यकारिणी सदस्यको रुपमा सफल कार्यकाल पुरा गरिसकेका छन । यसबाहेक अन्य संघ संस्थामा समेत उनले आफ्नो कार्यकाल सफलतापुर्वक निर्वाह गरेका छन । उनी आबद्ध संघ संगठनमा सदस्यहरुलाई गरेको सहयोग र सेवा कै कारण जुनसकुै पदमा लड्दा हार्नु भएको छैन ।
विद्यार्थी जीवनदेखि कांग्रेसको नेपाल विद्यार्थी संगठनबाट राजनीतिक शुरु गरेका चौधरी २०७० सालमा दोश्रो संविधान सभाको निर्वाचनमा शरतसिंह भण्डारी नेतृत्वको राष्ट्रिय समाजवादी पार्टीबाट धनुषा क्षेत्र नम्बर ४ बाट संविधान सभा सदस्यमा चुनाव लडेका थिए ।
त्यसपछि राष्ट्रिय समाजवादी पार्टी हुँदै जनता समाजवादी पार्टीमा केन्द्रिय सदस्यको भूमिका निर्वाह गरिसकेका छन । यसका साथै समाजसेवा कार्यमा प्रत्यक्ष र अप्रत्यक्ष रुपमा सहयोग गर्दै आएका छन । सालिन एवं सहयोगी सेवाभावका व्यक्ति चौधरी संघ संगठन बाहेक चौधरी आफ्नो राजनीतिक जिम्मेवारी पनि पुर्ण रुपमा पछिल्लो निर्वाचनमा सफल पारेका छन । पछिल्लो पटक २०७२ सालको स्थानीय तह, प्रदेश र संघको निर्वाचनमा आफ्नो पदीय दायित्व पुरा गर्दै तात्कालिन राजपाका उम्मेदवारहरुलाई भारी मतले जिताउने चौधरी सफल व्यक्तित्व हुन । गत निर्वाचनमा चौधरी राजपाबाट धनुषा क्षेत्र नम्बर ३ को चुनाव प्रसार समितिका संयोजकको जिम्मेवारी निर्वाह गरेका थिए ।
उनी भन्छन दिनरातको अथक मेहनत र लगनशीलताले धनुषा क्षेत्र नम्बर ३ बाट प्रतिनिधि सभा सदस्यमा राजेन्द्र महतो, प्रदेश सभामा परमेश्वर साह र जनकपुरधाम उपमहानगरपालिकाको मेयर, उपमेयर तथा एक दर्जनभन्दा बढी वडाध्यक्ष भारी मतले जिताउन सफल भयौं । अहिले चाहिं पार्टीले नै आफूलाई मेयरको उम्मेदवार बनाउने गरी आफूलाई नगर अध्यक्षको जिम्मेवारी दिएको छ । म आफ्नो जिम्मेवारी सफलतापुर्वक निर्वाह गर्दै नगरको प्रत्येक वडामा तिव्र रुपमा दिनराति खटेर संगठन विस्तारमा लागेका छौं ।
लोसपाले तपाईलाई नै मेयरको टिकट दिन्छन भन्ने कतिको विश्वस हुनु हुन्छ भन्ने जिज्ञासामा चौधरी भन्छन : म पार्टीको एउटा नेता मात्र नभई जिम्मेवारी पुरा गरिसकेका कमाण्डर हुँ, पार्टी भित्र खासै त्यस्तो अन्य उम्मेदवारको प्रत्यक्ष रुपमा दाबेदारी नभएकोले मलाई नै टिकट भेटछ भन्ने विश्वस्त छु ।
टिकट भेटेपनि निर्वाचन जित्न सक्नु हुन्छ भन्ने प्रसंगमा उनी भन्छन ः जसले आफ्नो बलबूता र लगनशीलताले अरु उम्मेदवार लाई जिताउन सक्छ भने आफू जित्न अझै मेहनत गर्नेछ र जनताको विश्वास जितेर निश्चित नै जित्नेछ । उनले भने जसरी अन्य संघ संगठनको जिम्मेवारी सफलतापुर्वक निर्वाह गरेको छु त्यसरी नै जनकपुरधाम उपमहानगरपालिका मेयर पदको जिम्मेवारी पुरा गर्नेछु ।
आफू जितेपछि फोहोरले लथालिङ्ग बनेका जनकपुरधामलाई ल्याण्डफिल्ड साइटको व्यवस्था गरी सफा र स्वच्छको साथै विकासशील र स्मार्ट शहरको रुपमा परिणत गर्न विभिन्न योजनाहरु अघि सार्नेछु उनी प्रतिबद्धता जनाउंछन ।
यो विषयमा आफ्नो प्रतिक्रिया दिनुहोस् !