लोक समाचारदाता
जनकपुरधाम, पुस ५ गते ।
जनकपुरधाम स्थित जनकपुर सहारा बचत तथा ऋण सहकारी संस्था लिमिटेडको १० औं साधारण सभा सम्पन्न भएको ।
शनिवार जनकपुरधाम उपमहानगरपालिकाका मेयर लालकिशोर साहको प्रमुख आतिथ्यमा सम्पन्न सो साधारण सभामा संस्थाका शेयर धनीहरुलाई सम्मानका साथै आर्थिक वर्ष २०७५÷०७६ को आयव्यय विवरण सहितको प्रतिवेदन सार्वजनिक गरिएको थियो ।
कार्यक्रममा संस्थाका अध्यक्ष जिवछी चौधरीले संचालक समितिको प्रतिवेदन र कोषाध्यक्ष नैनकुमार साहले आयव्यय सहितको आर्थिक प्रतिवेदन प्रस्तुत गरेको थियो । हाल सो संस्था साढे ११ सयभन्दा बढी शेयरधनी सदस्य रहेको छ ।
दस जना स्थानीय युवा मिलेर ३ लाख रुपैयाबाट शुरु गरेको सहकारी १० औं वर्ष पुग्दासम्म १८ करोडभन्दा बढीको कारोबार पुरयाएको छ । सो संस्थाले विभिन्न वाधा अवरोध पार गर्दै जनकपुरधामको सहकारी संस्था मध्ये एक नाम स्थापित गर्न सफल भएको हो । गत आ.ब.मा संस्थाले २० लाख रुपैया भन्दा माथिको खुदनाफा गर्न सफल भएको छ ।
निम्न आय र विपन्न वर्गको आर्थिक स्तरोन्नतिको उद्देश्यले स्थापित जनकपुर सहारा बचत तथा ऋण सहकारी संस्थाले शेयरधनीबाट बचत रकम उनीहरुलाई नै न्यून ब्याजमा समूह बनाएर ऋण लगानी गर्दै आएको छ भने प्रत्येक वर्ष आम्दानीको ५ प्रतिशत रकम समाजिक सेवामा खर्च गर्दै आएको भन्ने कुरा संस्थाका कोषाध्यक्ष नैनकुमारले जानकारी दिएका छन ।
सो साधारण सभा कार्यक्रममा संस्थाका उपाध्यक्ष राम साह, सचिव श्याम सुन्दर साह, सदस्यहरु अमर साह, मनोज चौधरी, आकाश कुमार साह र लेखा समितिका पदाधिकारीहरुको उपस्थिति रहेको थियो ।
यो विषयमा आफ्नो प्रतिक्रिया दिनुहोस् !