निबन्धकार तथा नियात्राकार युवराज नयाँघरेको ‘औँला–औँलामा अस्ट्रेलिया’ लोकार्पण भएको छ । शताब्दी पुरुष सत्यमोहन जोशीले कृति विमोचन गरेका हुन् ।
विमोचनका क्रममा जोशीले नेपाली निबन्ध र नियात्राका क्षेत्रमा नयाँघरेले उल्लेखनीय योगदान पु-याएको बताए । ‘यस कृतिले अस्ट्रेलियाली आदिवासीबारे स्पष्टसँग उल्लेख गरेको छ,’ जोशीले भने ।
समालोचक महेश पौडेलले नयाँघरेको आफ्नोपन र खुबी यहाँ पोखिएको बताए । उनले नियात्राको विशिष्ट स्वाद र शैली यस कृतिमा भेटिने दाबी गरे ।
साहित्यकार कृष्ण धरावासीले नयाँघरे घुमेर लेखिरहने एकजना समर्पित लेखक भएको बताए । उनले भने, ‘नियात्राको कला र मौलिक शैलीमार्फत यो कृतिले अस्ट्रेलियालाई नयाँ पाराले व्याख्या गरेको छ ।’
कृतिकार नयाँघरेले नेपाली निबन्ध र नियात्रा लेखन कला जारी राख्ने बताए ।
यो विषयमा आफ्नो प्रतिक्रिया दिनुहोस् !