जनकपुरधाम, असार १२ गते । जनकपुरधामको प्रमुख पर्यटकीय स्थल मध्येका महागंगा आरती स्थल गंगा सागर पोखरीको डिलमा जडान शुद्ध खानेपानीका डिप ट्यूबेल चांडै नै संचालनमा आउनेछ ।
बिहीवार दिउंसो ऊर्जा, सिचाई तथा खानेपानी मन्त्री शेषनारायण यादवले मन्त्रालयका सचिव रामकुमार खंग सहित महाशाखाका कर्मचारीहरुसँगै
योजनाहरुको अवस्था बुझ्न निरिक्षणको क्रममा सो खानेपानी डिप ट्यूबेलको निरिक्षण गरेका छन् ।
जनकपुरधामको पर्यटकीय स्थलको रुपमा रहेका गंगा सागर पोखरी र महागंगा आरती हेर्न आउने श्रद्धालुहरुलाई खानेपानीको आभाव रहेको महसूस गर्दै मन्त्री यादवको पहलमा सो डिप ट्युबेल जडान गरिएकाे हाे ।
ट्यूबेल जडान भइसकेको छ । खानेपानी ट्याँकी र टयाँकी राख्ने घर तथा धारा निर्माण लगायतका काम बाँकी रहेको छ । ती कामहरु यथाशिघ्र सम्पन्न गरी ट्यूबेल संचालनमा ल्याउन मन्त्री यादवले कर्मचारीहरुलाई निर्देशन दिए ।
उनले भने यहाँ दैनिक सयौं पर्यटक आउंछ तिनीहरुलाई खानेपानीको समस्या नहोस उद्देश्यका साथ यो खानेपानी डिप ट्यूबेल जडान गरिएको हो । पहिला यहाँ खुल्ला बोरिँग एउटा थियो तर त्यो खराब भएपछि यहाँ आउने श्रद्धालुहरुलाई निकै समस्या हुन थालेपछि ट्यूबेल जडान गराइदैछ । तर पानी खेर नजाओस त्यसका लागि केही धारा समेतको व्यवस्था गरिएको बताए ।
यसअघि निर्माण हुन लागेको विद्युतिय शवदाह गृहको निर्माण स्थल जग्गा र मुख्यमन्त्री सहित मन्त्रीहरुको सुरक्षा दिने मधेश प्रदेश प्रहरी गणका लागि शुद्ध खानेपानी डिप ट्यूबेल जडानका लागि जग्गाको निरिक्षण गरेका थिए ।
यो विषयमा आफ्नो प्रतिक्रिया दिनुहोस् !