जनकपुरधाम, पुस ८ गते । एनपिएल टुर्नामेंटको फाइनलका दिन त्रिवि क्रिकेट मैदानमा नश्लीय विभेदको शिकार भई आक्रमणमा परी घाइते भएका अमनकुमार सिंहको घटना प्रहरीले ढाकछोप गर्नमा लागेका छन् ।
जिल्ला प्रहरी परिसर काठमाडैले त्रिवि क्रिकेट मैदान बाहिर आक्रमणमा परेको भनिएका युवक अमनकुमार सिंहमाथि कुटपिट नभएको प्रहरीको प्रारम्भिक अनुसन्धानमा देखिएको बताएका छन् ।
नेपाल प्रिमियर लिग (एनपीएल) क्रिकेट प्रतियोगिता अन्तर्गत जनकपुर बोल्ट्स र सुदूरपश्चिम रोयल्सबिच भएको फाइनल खेल सकिएपछि त्रिवि क्रिकेट मैदान बाहिर नश्लीय र साम्प्रदायिक व्यवहार गर्दै अमनलाई कुटपिट गरी गम्भीर घाइते बनाएको थियो । सो घटनाको सामाजिक सञ्जालमा चौतर्फी विरोध भइरहेको बेला प्रहरीले घटना ढाकछोप गर्नमा जुटेका छन् ।
हुनत प्रहरीले र हुलदंगा गरेको आरोपमा दुई जनालाई पक्राउ गरेको छ । पक्राउ पर्नेमा डोटीको आदर्श गाउँपालिका घर भएका २१ वर्षीय अशोक साउद र दिपायल सिलगढी नगरपालिका घर भएका १८ वर्षीय गणेश साउद रहेका छन् ।
भिडले कुटपिट र लछारपछार गर्दा अमनको दुवै हात भाँचिएको भनेर मधेसी आयोगमा उजुरी परेपछि आयोगले छानबिन गर्न भनेको छ । तर, प्रारम्भिक छानबिन गर्दा अमन कुमार सिंंह खेल सकिनुअघि नै अस्पतालमा भर्ना भएको भेटिएको जिल्ला प्रहरी परिसर काठमाडौँका एसपी नवराज अधिकारीले बताएका छन् ।
अस्पतालको रेकर्ड अनुसार शनिबार २ बजेर १२ मिनेटमा उनी ट्रमा सेन्टरमा भर्ना भएको देखिएको छ । त्यसबेला फाइनल खेल सकिएको थिएन । सर्लाहीको बलरा घर भएका अमन अहिले अस्पतालबाट डिस्चार्ज भइसकेका छन् ।
अमनको काका नाता पर्ने उमेश सिंहले भतिजाले एनपिएल सकिएपछि आफूमाथि कुटपिट भएको बताउने गरेको जानकारी दिए । उमेशले भने, ‘उसले कसैले हिर्काएपछि घाइते भएको र त्यसपछि के भयो, मलाई थाहा नभएको भातिजले बताएका ।’
क्रिकेट मैदान बाहिर हुलदङ्गा भएको र त्यहाँ अमनमाथि संघातिक आक्रमणले घाइते भएको परिवारको जिकिर छ । जनकपुर बोल्ट्सका समर्थकहरूलाई नश्लीय साम्प्रदायिक दुर्व्यवहार गरेको पिडीत परिवारको आरोप छ । तर, अमन लडेर घाइते भएको हुनसक्ने प्रहरीको प्रारम्भिक अनुसन्धान निष्कर्ष छ । घटनाबारे प्रहरी वृत्त कीर्तिपुरले अनुसन्धान गरिरहेको छ ।
फाइनल खेल सकिएपछि हुलदंगा गरेको आरोपमा प्रहरीले दुई जनालाई पक्राउ गरिसकेको छ । पक्राउ पर्नेमा डोटीको आदर्श गाउँपालिका घर भएका २१ वर्षीय अशोक साउद र दिपायल सिलगढी नगरपालिका घर भएका १८ वर्षीय गणेश साउद छन् ।
यो विषयमा आफ्नो प्रतिक्रिया दिनुहोस् !