सुभाष कर्ण, जनकपुरधाम, मंसिर १४ गते । जनकपुरधाममा मनाउन लागिएकाे विवाह पञ्चमी महोत्सव व्यवस्थापनको तयारी मधेश प्रदेश सरकारले तिव्र पारेका छन् ।
मंसिर २१ गते जनकपुरधामकाे जानकी मन्दिरमाा मनाउन लागिएकाे विवाहोत्सव सहभागी हुन आउने जन्ती र श्रद्धालु भक्तजनकाे स्वागत र सेवा सुविधाका लागि प्रदेश सरकारले भव्य तयारीमा जुटेका छन् ।
प्रत्येक पांच वर्षमा भगवान श्रीरामको नगर अयोध्याबाट आउने जन्ती यसवर्ष पनि पांच सयभन्दा बढीको संख्यामा आइरहेको छ । तिनीहरूकाे स्वागत जानकी मन्दिर व्यवस्थापक संगै प्रदेश सरकारले पनि तयारी गरेका छन् ।
भारतकाे अयाेध्याबाठ जन्ती आउने भएकाले यसवर्षको विवाह पञ्चमी महोत्सवमा पांच लाखभन्दा बढीको संख्यामा श्रद्धालु भक्तजन जनकपुरधाम आउने लक्ष्यसहित मधेश प्रदेश सरकारले त्यसको व्यवस्थापन गरिरहेका छन् ।
मधेश सरकारले वाचा गरे अनुरुपमा महोत्सवमा सहभागी हुन आउने श्रद्धालु भक्तजनहरुका लागि शौचालय, बिजुली बती, खानेपानी र स्वास्थ्य शिविर संचालन लगायत सुरक्षा योजनासहितको व्यवस्थापन गर्न लागेको ऊर्जा, सिचाई तथा खानेपानी मन्त्री शेषनारायण यादवले जनाएको छ ।
विवाह पञ्चमी महोत्सवलाई व्यवस्थित गर्न मंसिर ६ गते नै प्रदेश सरकारको मन्त्रिपरिषदले गरेको निर्णय अनुरुप सुरक्षा योजनासहित स्वास्थ्य शिविर, श्रीरामजानकी विवाह हेर्न ठाउँ ठाउँमा डिस्पले बोर्ड श्रद्धालु भक्तजनको स्वागतका लागि गेट निर्माण र जन्तीलाई मधेश भवनमा खानपीनसहित कम्बल वितरण सहितका तयारीमा जुटेको उनले बताए ।
मन्त्रालयका खानेपानी तथा सरसफाई महाशाखा प्रमुख विश्वनाथ यादवले जनाए अनुसार ऊर्जा, सिचाई तथा खानेपानी मन्त्रालयद्वारा श्रद्धालु भक्तजनहरुका लागि २ सय स्थानमा पोर्टेबल शौचालय, विभिन्न स्थानमा १२ वटा स्ट्रीट लाईट र २ ठाउँमा खानेपानीका लागि बोर्डिङ्ग जडान गरिरहेका छन् । तर विभिन्न स्थानमा शौचालयको व्यवस्था भएकै र याेजना टुक्राउन नसक्ने भएकाले डेढ सय शौचालय मात्र निर्माण गर्न लागिएकाे उनले बताए ।
मन्त्रालयद्वारा बारहविघामा ६० वटा, कभर्ड हल र मनिमण्डपमा २५/२५ वटा, कलावर कुटी र पुराना बस पार्कमा १०÷१० वटा, रत्नसागर पोखरी नजिक २० वटा शौचालय निर्माण गरिनेछ । यस्तै सूडी कुटी, सरस्वती स्कूल नजिक लगायतका विभिन्न स्थानमा गरी १२ ठाउँमा स्ट्रीट लाईट र कभर्ड हल तथा मणिमण्डप गरी दूई स्थानमा खानेपानीका लागि बोर्डिङ्ग जडान भइरहेकाे उनले जानकारी दिएका छन् ।
बारह विघा मैदान, बस पार्क, तिरहुतिया गाछी लगायतका स्थानमा खानेपानीको व्यवस्था किन नगरिएको भन्ने प्रसंग उनले भने अधिकांश ठाउँमा चापाकलको व्यवस्था पहिलादेखि नै रहेको छ, केही स्थानमा जनकपुरधाम उपमहानगरपालिका र विभिन्न संघ संस्थाले आफै व्यवस्थापन गर्ने भनिएको कारण मन्त्रालयबाट ती स्थानहरुमा व्यवस्थापन न गरेको हो । शौचालयहरुमा स्वीपरको व्यवस्थापन उपमहानगरपालिकाद्वारा गरिएको प्रमुख यादवले बताए ।
यस्तै प्रदेश सरकारको गृह तथा सञ्चार तथा कानून मन्त्रालयद्वारा विभिन्न ५ स्थानमा डिस्पले बोर्ड जडान, स्वास्थ्य तथा जनसंख्या मन्त्रालयद्वारा विभिन्न स्थानमा स्वास्थ्य शिविर संचालन, खेलकूद तथा समाज कल्याण मन्त्रालयद्वारा जन्तीहरुलाई मधेश भवन भित्र स्वागतसहित खानपीन र उद्योग, वाणिज्य तथा पर्यटन मन्त्रालयद्वारा जन्तीहरुलाई ६ सय कम्बल वितरण व्यवस्थापनको तयारी गर्दैछ ।
स्वास्थ्य मन्त्रालयद्वारा प्रादेशिक अस्पतालमा कुल शैयाको १० प्रतिशत औषधि र चिकित्सकसहितको शैया ट्रमा सेन्टरका लागि तयारी अवस्थामा राख्ने, रेफरल हस्पिटलका लागि ४० वटा शैया तयारी अवस्थामा राख्नेसहित एम्बुलेन्स र रैपिड रेस्पोन्स टीम तयारी अवस्थामा राखिने गरी तयारी गरिदैछ ।
यसबाहेक प्रदेश सरकारले रेलवे स्टेशनको ७० वटा सटरमा श्रद्धालुहरुको वासका लागि व्यवस्थापन, विभिन्न २० स्थानमा स्वागत गेट निर्माण, नेपाली सेनाद्वारा बम डिस्पोजल टोली, सुरक्षाकर्मी ल्याउन र लैजान एक साताका लागि १० वटा गाडी, सुरक्षा व्यवस्था थप प्रभावकारी बनाउने बजेट व्यवस्थापन, गंगा सागर पोखरीमा उद्धारकर्ता टोली सहित ३ वटा ड्रोन सशस्त्र प्रहरीद्वारा व्यवस्थापन गरिने मुख्यमन्त्री कार्यालय श्राेतले जनाएकाे छ ।
मधेश सरकारका मन्त्रालयहरुले सुरक्षा योजनासहितका यी व्यवस्थापनका लागि आवश्यकता अनुसार सम्बन्धित निकायहरुसँग समन्वय समेत गरिरहेको मुख्यमन्त्री कार्यालयले जनाएको छ । मुख्यमन्त्री कार्यालय श्रोतले जनाए अनुसार उच्च पदस्थ पदाधिकारीहरुको वासस्थानको व्यवस्थापन जनकपुरधामभन्दा बाहिरका शहरी क्षेत्रमा गर्ने तयारी समेत भइरहेको छ ।
जनकपुरधाम उपमहानगरपालिकाले बारह विघा मैदान र तिरहुतिया गाछी लगायतका स्थानमा वास स्थानका लागि पण्डाल र टयांकरबाट खानेपानी व्यवस्था गर्नेछ । उपमहागरपालिकासंगै विभिन्न संघ संस्थाले वास, खाना र स्वास्थ्य शिविरकाे व्यवस्थापन गर्न लागेकाे बताइएकाे छ ।
यो विषयमा आफ्नो प्रतिक्रिया दिनुहोस् !