जनकपुरधाम, असोज १६ गते । वडा दशैंको तयारी महोत्तरीको मटिहानी नगरपालिका जोडतोडका साथ गरिदैछ । बडा दशैको उपलक्ष्यमा नगरपालिकाद्वारा सडक तथा सीमा क्षेत्रको सरसफाई गरिएको छ ।
बुधवार मटिहानी क्षेत्र भित्रको विभिन्न सड़कहरुको सरससफाई नगरपालिका नगर प्रमुख हरि प्रसाद मण्डलको सहभागितामा कर्मचारी तथा स्थानीय युवाहरुद्वारा गरिएको छ ।
यसअघि बिहान ०७ : १५ बजेदेखि मटिहानी – मधवापुर स्थितमा रहेको नेपाल भारत सिमावर्ती दशगजा क्षेत्रमा सशस्त्र प्रहरी बल नेपाल र भारतीय सिमा सुरक्षा बल (एसएसबी) को संयुक्त टोलीद्वारा बृहत दशगजा सरसफाई गरिएको छ ।
सो सरसफाई कार्यक्रममा मटिहानी नगरपालिकाका नगर प्रमुख हरि प्रसाद मण्डल, सशस्त्र प्रहरी बल नेपाल मटिहानीका इन्स्पेक्टर रमेश पाण्डेय, सिमा सुरक्षा बल (एसएसबी) भारतको प्रमुख, नेपाल उद्योग बाणिज्य संघका पुर्व केन्द्रिय सदस्य बिजय साह, महोत्तरी उद्योग बाणिज्य संघका उपाध्यक्ष पवन साह, वडा अध्यक्ष जीतनरायण माझी लगायतका व्यक्तिहरुको सहभागिता रहेको थियो ।
यसैबीच भव्य रुपमा वडा दशै मनाइने स्थानीय लक्ष्मीनिया माई मन्दिर जान अस्थाई बाटो निर्माण गरिएको छ । पछिल्लो साता आएको अबिरल वर्षाका कारण बाटो खराब भएपछि अस्थायी बाटो निर्माण गरिएको हो । नगर प्रमुख मण्डलले सम्पूर्ण नगरवासीलाई आ आफ्ना घर तथा बाटोको सरसफाई गर्न अपिल गरेका छन् ।
यो विषयमा आफ्नो प्रतिक्रिया दिनुहोस् !