जनकपुरधाम, भदौ १२ गते । कानून निर्माणमा खेल्नुपर्ने भूमिकाको क्षमता अभिवृद्धिका लागि मधेश प्रदेश सभाका महिला र सीमान्कृत समूहका सांसदहरुलाई तालिम दिइएको छ ।
संसद सहयोग परियोजना संयुक्त राष्ट्रसंघीय विकास कार्यक्रम (यूएनडीपी/पिएसपी) को सहयोग एवं मधेश प्रदेश सभाको समन्वयमा सिआइसी जनकपुरधामद्वारा आयोजित सो एक दिने तालिम सम्पन्न भएको हो ।
तालिममा सहभागी महिला र सीमान्तकृत सांसदहरुले यस्ता तालिमले ज्ञान बढनुका साथै बोल्ने क्षमता र कानून निर्माणमा राम्रो भूमिका निर्वाह गर्न सक्ने क्षमताको विकास हुने बताएका ।
तालिममा सहभागीहरुलाई सहकर्ता संविधान सभा सदस्य एवं पूर्व संघीय सांसद मीनबहादुर विश्वकर्मा, अधिवक्ता मोहनलाल आचार्य, अधिवक्ता रिंकू यादव र यूएनडिपी/पिएसपीका डा. बिटुबाबु श्रीवास्तवले प्रशिक्षण दिएका छन् ।
प्रशिक्षण दिदै पूर्व सांसद मिन विश्वकर्माले संसदीय नेतृत्व विकास, नागरिक संलग्नता र भाषणमा पोख्त कसरी हुने बारे प्रशिक्षण दिएका छन् । उनले प्रशिक्षण दिदैं महिला र सीमान्तकृतहरुलाई कानून निर्माणमा नेतृत्ववर्गले अवसर दिनुपर्छ र अवसर प्राप्त गरेकाले विषयगत ज्ञानका लागि मेहनत गर्नुपर्ने आवश्य रहेको सुझाव दिएका थिए ।
प्रशिक्षक विश्वकर्माले नेता र नेतृत्व बारे जानकारी दिदैं असल र नेतृत्व कसरी गर्न सक्ने, नेतृत् वगर्न आवश्यक पर्ने गुण र प्रक्रिया बारे सहभागीहरुलाई जानकारी गराएका थिए । यसका साथै राम्रो भाषणबाट स्थापित भएका नेताहरुको उदाहरण दिदैं राम्रो वक्ता कसरी बन्न सक्ने प्रक्रियाहरु समेत सम्झाउंदै एउटा सांसद विधेयकमा खेल्न सक्ने भूमिका बारे जानकारी समेत गराएका थिए ।
तालिममा अर्का प्रशिक्षक मोहनलाल आचार्यले कानुन निर्माणमा महिला सांसदको भूमिका सम्बन्धमा प्रशिक्षण दिएका थिए । उनले कानून निर्माणको प्रक्रिया, आवश्यक शर्त र कानून निर्माणमा सांसदले भाषा लगायतका के कस्ता कुरामा ध्यान पुराउन सक्ने र र सांसद समेत के कस्ता विधेयक आफै विधेयक दर्ता गराउन सक्ने बारे सहभागीहरुलाई जानकारी गराएका थिए ।
यस्तै अर्का अधिवक्ता रिंकु यादवले महिला हिंसा बारे मधेश प्रदेशको तथ्यांकगत जानकारी गराउंदै प्रदेश सांसदले त्यसको नियन्त्रणका लागि खेल्न सक्ने भूमिका बारे जानकारी गराएका थिए । कार्यक्रममा अर्का प्रशिक्षक यूएनडिपी/पिएसपीका डा. बिटुबाबु श्रीवास्तवले विपद् जोखिम न्यूनीकरण तथा जलवायु परिवर्तनमा सांसदले खेल्न सक्ने भूमिका बारे बताएका थिए ।
उनले प्रशिक्षार्थी सांसदहरुलाई उदाहरणको रुपमा महाभूकम्पको भिडियो देखाएर एउटा सांसदले सम्भावित जोखिमलाई न्यूनीकरणमा खेल्न सक्ने भूमिका र तत्काल उद्धारका लागि कानून मार्फत के कस्ता भूमिका निर्वाह गर्न सक्छ भन्ने बारे बताएका थिए ।
सिआइसी जनकपुरधामका अध्यक्ष संजय साहले सांसदमा बस्नका लागि मात्र नभइ हरेक गतिविधिमा भागलिने र कानून निर्माणमा राम्रो भूमिका निर्वाह गर्न सक्ने हिसाबले महिला र सीमान्कृत सांसदहरुलाई क्षमता अभिवृद्धि गर्न यस्तो तालिम आयोजना गरिरहेको बताए ।
तालिममा सहभागी मधेश प्रदेशसभाका सांसदहरुले पनि सांसदहरुले अप्ठ्यारा लागेका र आफूले कसरी राम्रो गर्न सक्ने बारे आ आफ्ना कुरा राखेका थिए ।
यो विषयमा आफ्नो प्रतिक्रिया दिनुहोस् !