जनकपुरधाम, पुस १९ । महोत्तरी जिल्लाको मटिहानी नगरपालिकामा रहेका मस्जिद मदरसामा रहदै आईरहेका इस्लाम धर्मका धर्म गुरु मोलबीहरुलाई आज एक समारोह बीच मटिहानी नगरपालिकाका नगर प्रमुख हरि प्रसाद मंडलले कम्बल वितरण गरेको छ ।
तराई मधेशमा केहि दिन देखि बढेको चिसोबाट प्रभावित भएका मुस्लिम समुदायका मोलबीहरुको समस्यालाई मध्यनजर गर्दै उनीहरुलाई राहत स्वरुप कम्बल वितरण गरिएको कुरा नगर प्रमुख मंडलले बताए ।
उक्त कार्यक्रममा मटिहानी नगरपालिका भित्रका जम्मा १८ जना मोलबीहरुलाई कम्बल वितरण गरिएको कुरा नगरपालिकाले जनाएको छ। कम्बल पाए पछि ३५ वर्षीय मोलबी तहसीन रेजाले खुशी ब्यक्त गरे । उक्त कार्यक्रममा मटिहानी नगरपालिका भित्रका जम्मा १८ जना मोलबीहरुलाई कम्बल वितरण गरिएको कुरा नगरपालिकाले जनाएको छ।
उक्त कार्यक्रममा मटिहानी नगरपालिका वड़ा नं. ६ का वड़ा अध्यक्ष कलीम अंसारी ,प्रमुख प्रशासकिय अधिकृत चन्द्रशेखर शर्मा, शिक्षा शाखा प्रमुख चन्देश्वर साह, लगायतका महानुभावहरुको उपस्थिति रहेको थियो ।
यस अघि मटिहानी नगरपालिकामा रहेका प्रसिद्व लक्ष्मी नारायण मठमा रहदै आईरहेका साधुहरुलाई पनि कम्बल बितरण गरिएको थियो ।
यो विषयमा आफ्नो प्रतिक्रिया दिनुहोस् !