जनकपुरधाम, पुस १ गते । महोत्तरी जिल्लाको मटिहानी नगरपालिकाले मण्डल (धानुक) जातिका लागि सार्वजनिक दलान र खतबे जातिको कुल देवताको मन्दिर शिलान्यास गरेका छन ।
आइतवार पालिकाको वड़ा नं.७ मटिहानीमा धानुक जातिको सार्वजनिक दलान र वड़ा नं.९ सिमरदहीमा निर्माण हुने खतवे जातिको कुल देवता भगवान शोसिया निकोझियाको मन्दिरको शिलान्यास नगर प्रमुख हरि प्रसाद मंडलले गरेका छन् ।
सो दलानले स्थानीयलाई बिबाह, भोज जयन्ती र पाहुनालाई राख्न मद्दत पुग्ने कुरा नगर प्रमुख मंडलले भन्नु भयो ।सो दलान नगर स्तरीय योजना अन्तर्गत करिब २२ लाखको लागतमा निर्माण हुने कुरा प्राविधिक दिनेश साहले जानकारी दिए । उक्त कार्यक्रममा नगर वड़ा नं.६, ७ र ८ का वड़ा अध्यक्षहरु कलीम अंसारी, जीत नारायण माझी र रितेश साह, जिल्ला समन्वय समितिका सदस्य राम लखन पंजियार लगायतको सहभागिता रहेको थियो ।
त्यस्तै खतबे जातिको कुल देवताको उक्त मंदिरका करिब ८ लाखको लागतमा निर्माण हुने कुरा प्राविधिक दिनेश साहले जानकारी दिएका छन् । उक्त कार्यक्रममा नगर उप–प्रमुख मंजु देवी साह, वड़ा नं.९ का वड़ा अध्यक्ष मदन चौधरीसहित मोसाफिर सहनी, सकलदेव पासमान, जोगिन्द्र साह, विजय साह लगायतका स्थानीयहरुको सहभागिता रहेको थियो ।
यो विषयमा आफ्नो प्रतिक्रिया दिनुहोस् !