जनकपुरधाम, मंसिर २१ गते । आउंदो पुस ५ र ६ गते सम्पन्न नेपाली कांग्रेस मधेश प्रदेश कार्यसमितिको प्रथम सम्मेलन गर्न विभिन्न समिति उपसमितिहरु गठन गरिएको छ ।
नेपाली कांग्रेस मधेश प्रदेश कार्यसम्पादन समितिको बैठक सभापति कृष्ण प्रसाद यादवको सभापतित्वमा कार्यसम्पादन समितिको पदाधिकारी एवं सदस्यहरुको बैठकबाट विभिन्न समिति तथा उपसमितिहरु गठन गरिएको छ ।
उक्त बैठकले निणर्य नं. १ मा मिति २०८० पौष ५ र ६ गते नेपाली कांग्रेस मधेश प्रदेश कार्यसमितिको आयोजनामा हुने प्रथम प्रदेश सम्मेलन लाई भव्यताका साथ सम्पन्न गर्ने र उपसमितिहरु गठन गर्ने निर्णय समेत गरेको छ ।
प्रदेश सभापति कृष्ण यादवको संयोजकत्वमा मुल आयोजक समितिका गठन गरिएको छ । सो समितिको सदस्यमा पदाधिकारीहरु, नेपाली कांग्रेस पार्टीका जिल्ला सभापति सदस्य, नेपाली कांग्रेस प्रदेशसभा क्षेत्रीय सभापती, मधेश प्रदेश नगरपालिका महासंघ अध्यक्ष सदस्य र मधेश प्रदेश गाउँपालिका महासंघका अध्यक्ष सदस्य मधेश प्रदेशका भातृ÷शुभेच्छुक संघ संस्थाका प्रमुख सदस्यहरु लगायतका रहेका छन् ।
त्यस्तै कोषाध्यक्ष प्रदीप कुमार यादवको ंसंयोजकत्वमा गठित अर्थ समितिमा सहमहामन्त्री जय नारायण प्रसाद यादव तथा सदस्यमा ममता महतो, सितल प्रसाद यादव, रामबाबु साहलाई जिम्मेवारी दिइएको छ । आर्थिक व्यवस्थापन समितिका संयोजकमा.नागेन्द्र प्रसाद साह तथा सदस्यहरु बिन्दु कुमारी यादव (सहमहामन्त्री), मा. शेष नारायण यादव (प्रदेश सदस्य), नितेश कुमार गुप्ता (प्रचार विभाग प्रमुख), पाण्डव मण्डल (प्रदेश सदस्य), सुनिल ठाकुर (प्रदेश सदस्य), सोनी बोम्जन (प्रदेश सदस्य), राजेश गिरी (प्रदेश सदस्य) र जवाहर यादव (गाउँपालिका महासंघ अध्यक्ष) रहेका छ ।
मा.शेष नारायण यादवको संयोजकत्वमा आवास तथा भोजन व्यवस्थापन समिति गठन गरिएको छ । समितिको सदस्यहरुमा जिवनाथ चौधरी,सुरेश प्रसाद यादव, राजकिशोर यादव र ललित साह, सुधीर किशोर यादवलाई जिम्मेवारी दिइएको छ भने मंच व्यवस्थापन समितिका संयोजक बजरंग यादव लगायत सदस्यमा शर्मिला थापा,भावना ढुंगेल, अंजु झा, राकेश बिक्रम साह, शिव शंकर गोइत (साधु) र सुरेश ठाकुरलाई जिम्मेवारी दिइएको छ ।
प्रचार प्रसार समितिका संयोजक नितेश कुमार गुप्ता र सदस्यहरुमा सुचना संचार तथा प्रचार प्रसार विभाग सदस्यहरु पनि जिम्मेवारी दिइएको छ । स्वयम सेवक परिचालन समितिका संयोजकमा सुर्य बहादुर थापा ( भातृ संघ समन्वय विभाग प्रमुख) लाई स्वयम सेवक परिचालन गर्ने जिम्मेवारी दिइएको छ ।
सो बैठक पौष ५ र ६ गते हुने प्रथम नेपाली कांग्रेस मधेश प्रदेश सम्मेलनमा प्रस्तुत गरिने राजनीतिक÷सांगठनीक प्रस्ताव एवं महामन्त्रीको प्रतिवेदन तर्जुमा गर्न महामन्त्री वृहस्पती कृष्ण श्रेष्ठलाई जिम्मेवारी दिने निर्णय गरिएको छ भने आर्थिक प्रतिवेदन तर्जुमा गर्न प्रदेश कोषाध्यक्ष प्रदिप कुमार यादवको संयोजकत्वमा समिति गठन गर्ने निर्णय गरिएको मुख्यसचिव सन्तु प्रसाद यादवले जानकारी दिएका छन् ।
यो विषयमा आफ्नो प्रतिक्रिया दिनुहोस् !