जनकपुरधाम, १८ भदौ । दुध उत्पादन गर्ने व्यवसायिक फर्म तथा किसानले अवलम्बन गर्नुपर्ने पशु कल्याण सम्बन्धी मापदण्ड प्रदेश सरकारले ल्याएको छ ।
दुध उत्पादन गर्न व्यवसायिक रुपमा पशुपालन गर्ने फर्मले असल उत्पादन अवलम्बन गर्दै गाईभैंसी तथा बाख्राप्रति हुने निर्दयी व्यवहार रोकेर पशुको उचित व्यवस्थापन तथा विकासका लागि प्रदेश सरकारले मापदण्ड निर्धारण गरी कानून नै निर्माण गरेका हुन् ।
सोमवार मधेश प्रदेश सरकारका भूमिव्यवस्था, कृषि तथा सहकारी मन्त्रालयले डेरी पशुका ला िपशु कल्याण मापदण्ड कार्यान्वयन सम्बन्धी मिडिया बिफ्रिङ्ग सहितका एक कार्यक्रम आयोजना गरी सो दुध उत्पादन गर्ने व्यवसायिक फर्मले अवलम्बन गर्नुपर्ने कल्याण सम्ब्न्धी मापदण्ड २०८० मा रहेको व्यवस्था बारे जानकारी गराएको छ । कार्यक्रममा बोल्दै एनएफएसीका प्रतिनिधि विमल कुमार कर्णले सो मापदण्डमा रहेका व्यवस्था र संघ सरकारले ल्याउन लागेको पशुकल्याण ऐन बारे जानकारी गराए । उनले भने यो मापदण्ड कार्यान्वयनमा आए दुध व्यवसायको विकास र गुणस्तरीयता बढनुका साथै पशु समेत संरक्षित हुनेछ ।
त्यस्तै स्नेहाल केयर नेपालका स्नेहा श्रेष्ठले पशुमाथि हुने निर्दयी व्यवहार रोक्न छुटै कानून नभएपनि मुलुकी अपराध संहितामा कारवाही सम्बन्धी व्यवस्था रहेपनि कार्यान्वयनमा आउन नसकेको गुनासो गरिन् । उनले भनिन् पशु कुनैपनि होस दुधालु वा बिना दुधालु सबैको संरक्षण आवश्यक छ सरकारले यसप्रति ध्यान दिन जरुरी छ । मन्त्रिपरिषद निर्णयबाट तयार भई भदौ १ गतेदेखि नै लागू भएको सो मापदण्ड कार्यान्वयनका लागि किसान र सम्बन्धित निकाय सहितका सरोकारवालालाई जानकारी गराउन बिफ्रिङ्ग अघि बढाएको छ । सो मापदण्डमा दुधालु पशुलाई पाल्न गोठ, पशुपालन र आहारको व्यवस्था कस्तो हुनुपरयो, निर्दयी व्यवहार गर्न नहुने कुरामा जोडमा जोड दिइएको छ ।
सो मापदण्डमा मुलुकी अपराध संहितामा पशु संरक्षणका लागि गरिएको कारवाही व्यवस्था समेत समेटिएको छ । मापदण्डको अनुसुची १० मा पशुमाथि हुने निर्दयी व्यवहार र अपराधमा सजाय सहितका कारवाही व्यवस्था राखिएको छ ।
सो अनुसुचीमा पशुपंक्षी राख्दा लापरवाही गर्नेलाई एक वर्षसम्म कैद वा दश हजार रुपैया जरिवाना वा दुवै हुन सक्ने, पशुपंन्छी सडक वा बाटोघाटोमा छाडा राखेमा सम्बन्धित व्यक्तिलाई तीन महिना कैद वा पांच हजार जरिवाना वा दुवै सजाय, पशु करणी गरेमा दोषीलाई दुईवर्षसम्म कैद वा २० हजार रुपैया जरिवाना वा दुवै सजाय हुन सक्ने व्यवस्था गरिएको छ ।
यस्तै गाई गोरुलाई मारे वा कुटेमा तीन वर्षसम्म कैद वा ५० हजारसम्म जरिवाना, पशुपन्छीलाई निर्दयी व्यवहार गरेमा तीन महिनासम्म कैद वा पांच हजार रुपैया जरिवाना वा दुवै सजाय हुन सक्नेछ । यसका साथै सार्वजनिक ठाउँमा पशुपन्छीलाई मार्न अथवा कुटपिटमा समेत रोक लगाइएको छ ।
यो विषयमा आफ्नो प्रतिक्रिया दिनुहोस् !