जनकपुरधाम, मंसिर १ गते । धनुषा निर्वाचन क्षेत्र नम्बर ३(ख)को प्रदेशसभा सदस्य पदमा सत्ता गठबन्धन र एमाले–जसपा गठबन्धनका उम्मेदवारहरुबिच कडा प्रतिस्पर्धा हुने भएको देखिन्छ ।
पांच वर्ष प्रदेशसभा सदस्य भएर काम गरि सकेका सत्ता गठबन्धनको तर्फबाट लोकतान्त्रिक समाजवादी पार्टी(लोसपा)का परमेश्वर साह र निर्माण व्यवसायी रहेका दीपेन्द्र ठाकुर एमालेबाट उम्मेदवार छन् । यी दुई उम्मेदवार धनुषाको ३(ख)को प्रदेशसभा सदस्यका लागि मंसिर ४ गते हुने निर्वाचनमा भिड्दैछन् ।
प्रदेश सभा सदस्य पदमा एमाले– जसपा गठबन्धनका तर्फवाट एमालेबाट उम्मेदवार बनेका ठाकुर जनकपुरधामका प्रसिद्ध रामानन्द यूवा क्लडवका पूर्व अध्यक्ष समेत रहेकाले उनको पक्षमा यूवा वर्गको साथ रह्ने अनुमान गरिएको छ ।
यता लोसपाका उम्मेदवार परमेश्वर आफूले गरेको काम जनताले देखेको र प्रदेशसभामा आफूले प्रदेशको नामाकरण र राजधानी तोक्न खेलेको भूमिकाको विषयमा जनतालाई राम्ररी जानकारी रहेकाले आफ्नै पक्षमा मतदान गर्ने दावी गर्छन् । यसका साथै जनकपुरधाममा जातीय समिकरणले विशेष महत्व राख्ने भएकाले पनि परमेश्वर धनुषा ३(ख)मा सबैभन्दा मजबुत उम्मेदवार रहेको कतिपयको आकलन छ ।
यी दुवै जना गठबन्धन दलका उम्मेदवारहरुलाई स्वतन्त्र उम्मेदवारद्वय अम्बुप्रसाद साह र हरिशंकर साहले टक्कर दिईरहेका छन् ।
यो विषयमा आफ्नो प्रतिक्रिया दिनुहोस् !