जनकपुरधाम, मंसिर १ गते । धनुषा निर्वाचन क्षेत्र नं. १ मा सत्ता गठबन्धनबाट नेकपा माओवादी केन्द्रका मातृका यादव र एमाले–जसपा गठबन्धनबाट जसपाका दिपक कार्कीबीच प्रतिस्पर्धा रहेकाे चर्चा छ ।
तर यी दुवै उम्मेदवारलाई पन्छयाउंदै जनमत पार्टीका उम्मेदवार किशाेरी साह कम अघि बढदै गएकाे देखिन्छ । हुनत यी दूबै उम्मेदवार २०७४को निर्वाचनमा समेत आमने सामने भएका थिए । सो निर्वाचनमा यादवले कार्कीलाई पराजित गर्न सफल भएका थिए ।
यद्यपि यस पटकको निर्वाचनमा जनमत पार्टीबाट उम्मेदवारी दिएका किशोरी साह कमल मजबुत प्रतिस्पर्धीका रुपमा देखिएका छन् । यादव र कार्की बिचको प्रतिस्पर्धामा कमलले समेत जित निकाल्न सक्ने कतिपयको आकलन छ ।
यसपटक यादव र कार्कीको प्रतिस्पर्धामा जनमत पार्टीका नेता किशोरी साह कमल पनि थपिएका छन् । उनी गत निर्वाचनमा नेकपा एमालेबाट टिकट पाएर सोही क्षेत्रको प्रदेशसभा (क) बाट प्रत्यक्ष निर्वाचित प्रदेशसभामा निर्वाीचत भएका थिए ।
चुनावी तालमेलको क्रममा जसपाको भागमा संघ र प्रदेश दुवै परेपछि साहले एमाले परित्याग गर्दै जनमत पार्टीबाट उम्मेदवारी दिएका हुन् । गत निर्वाचनमा वाम गठबन्धन रहेकाले साहले माओवादी केन्द्रका उम्मेदवार यादवलाई सघाएका थिए ।
तर यसपटक कमल आफै चुनावी मैदानमा रहेकाले यादव कमजोर पर्न सक्ने आकलन गरिएको छ । यसका साथै मधेशवादी गठबन्धन रहेको पछिल्लो निर्वाचनमा तत्कालिन राजपा हालको लोसपाका साथ पाएका कार्की समेत यस पटक सो दलको साथ पाएका छैनन् ।
यसरी यी दुई उम्मेदवारहरु पछिल्लो निर्वाचनको तुलनामा केही हदसम्म शक्ति क्षिण भएकाले कमल समेत सो क्षेत्रमा मजबुत उम्मेदवारको रुपमा देखिएका छन् ।
यो विषयमा आफ्नो प्रतिक्रिया दिनुहोस् !