जनकपुरधाम, कातिक १६ गते । जनकपुरधाम उपमहानगरपालिका वडा नम्बर ५ का वडाध्यक्ष बेचन साहलाई आफ्नै पार्टीका एक वडाध्यक्षले कुटपिट गरेका छन ।
साहलाई जनकपुरधाम वडा नम्बर ५ का अध्यक्ष दिनेश सिंहकाे निर्देशनमा कुटपिट गरेको आरोप लगाइएको हाे । सिंहले नेकपा एमालेको जनकपुरधामस्थित क्षेत्रीय कार्यालयमा वडाध्यक्ष साहमाथि कुटपिट गर्न लगाएकाे आरोप छ ।
मंगलबार नेकपा एमालेको तर्फबाट गत स्थानीय तहको निर्वाचनमा जनकपुरधामको १५ वटा वडामा वडाध्यक्ष पदमा उम्मेदवारी दिएका सम्पूर्ण उम्मेदवारहरूसँग आयोजित चुनावी छलफलमा खानपिनको क्रममा विवाद हुंदा कुटाकुट भएकाे हाे ।
विवाद क्रममा वडा नम्बर-८ का वडाध्यक्ष दिनेश सिंह र वडा नम्बर-१ का एमालेका वडाध्यक्ष पदका उम्मेदवार रहेका लव अधिकारीले वडाध्यक्ष साहलाई कुटपिट गरेका छन् ।
एमालेको जनकपुरधामस्थित क्षेत्रीय कार्यालयमा आगामी प्रतिनिधि तथा प्रदेशसभा सदस्यको निर्वाचनमा पार्टीका उम्मेदवारहरूलाई जिताउनका लागि आयोजित बैठक पश्चात खानपिनको क्रममा मासु घटी भएपछि सामान्य विवाद भएको थियो ।
सोही क्रममा वडाध्यक्ष सिंहले लवलाई निर्देशन दिँदै वडाध्यक्ष साहमाथि एक्कासी हातपात गर्न लगाएको बैठकमा सहभागी नेकपा एमालेको तर्फबाट वडाध्यक्ष पदका एक उम्मेदवारले नाम उल्लेख नगर्ने शर्तमा जानकारी दिएका छन ।
कुटपिटबाट घाइते वडाध्यक्ष साह प्रादेशिक अस्पताल जनकपुरधाममा उपचार गराएपश्चात अहिले घर फर्केका छन् ।
यस सम्बन्धमा वडाध्यक्ष सिंहले विवाद भएकाे स्वीकार गर्दै कुटपिट नगरिएकाे बताएका छन ।
उनले भने पार्टी प्रतिनिधि जिताउने बारे आयाेजित कार्यक्रममा सामान्य विवाद भएकाे थियाे, आफू रहंदासम्म कुटपिट जस्ता घटना भएकाे थिएन । कुटपिट नहुंदा साह अस्पतालमा उपचारका लागि किन पुगेकाे भन्ने प्रसंगमा सिंहले भने साह बिपी र हर्टका बिरामी पहिलादेखि नै थियाे विवादकाे क्रममा आवेशमा जाेडजाेडले बाेल्दा स्वास्थ्य अवस्था गम्भीर भएपछि अस्पताल पुरयाइएकाे थियाे ।
यो विषयमा आफ्नो प्रतिक्रिया दिनुहोस् !