जनकपुरधाम, कात्तिक ११ गते । सत्ता गठबन्धनबाट धनुषा ३ (२) बाट पांच दलीय सत्तारुढ गठबन्धनको लोसपाबाट प्रदेशसभामा उम्मेदवार परमेश्वर साहले आफ्नो घरदैलो कार्यक्रमलाई तिव्रता दिएका छन ।
शुक्रवार जनकपुरधाम उपमहानगरपालिका वडा नम्बर १२ मा उनले घरदैलो कार्यक्रम सम्पन्न गरेका छन । घरदैलोको क्रममा साहले गठबन्धनको पक्षमा मतदान गर्न आग्रह गरेका छन् ।
घरदैलोको क्रममा साहले संविधान संशोधन, मधेशी जनताले पाउन नसकेका अधिकारको प्रत्याभूति गराउनका लागि लोकतान्त्रिक सरकार बनाउन आवश्यक रहेकाले सत्तारुढ गठबन्धनका उम्मेदवारलाई जिताउन आग्रह गरे ।
उनले लोकतान्त्रिक सरकार निर्माणका लागि कांग्रेस नेतृत्वको सत्ता गठबन्धनको पक्षमा मतदान गर्न आग्रह गरे । यसका साथै मधेश र देशकै लागि ठूलो समस्याको रुपमा रहेको नागरिकताको समस्या समाधानका लागि यो गठबन्धनले पहल गर्ने उनको दावी थियो । नागरिकता विधेयकको बिरोधमा लागेको दललाई मतदाताले पक्कै पनि मत नदिने विश्वास व्यक्त गरे ।
उम्मेदवार साहले प्रदेशको नामाकरण गर्यौँ, राजधानी बनायौँ तर संघियता अनुरुप काम अगाडी बढ्न नसकेकाले त्यसका लागि थुप्रै काम गर्नुपर्ने भएकाले आफ्नो पक्षमा मतदान गर्न आग्रह गरे ।
जनकपुरधामलाई राजधानीको स्वरुपमा ल्याउन र संघियता अनुरुप काम अगाडी बढाउन बाँकी कामहरु आफूहरुले पूरा गर्ने प्रतिवद्धता व्यक्त गरे । हाम्रो गठबन्धनको सरकार बनयो भने यहाँका जनताका समस्या समाधान गर्नुका साथै विकास निर्माणका कामहरुलाई समेत गति प्रदान गर्ने स्पष्ट पारे ।
यो विषयमा आफ्नो प्रतिक्रिया दिनुहोस् !