जनकपुरधाम, भदौ २५ गते । कांग्रेस र माओवादी सहितका दलमाथि आँखा बन्द गरेर विश्वास गर्ने जस्ता आत्मघाती कदम नउठाउने जनता समाजवादी पार्टी (जसपा) नेपालका अध्यक्ष उपेन्द्र यादवले बताएका छन ।
शनिवार पिछडावर्ग महासंघ (ओबीसी) को तेश्रो राष्ट्रिय सम्मेलन कार्यक्रमलाई सम्बोधन अध्यक्ष यादवले कांग्रेस कम्युनिष्टका दलले गठबन्धनको नाममा पुनः सत्ता कब्जा गर्ने रणनिती गरिरहेको आरोप लगाउंदै सफल हुन नदिने चेतावनी दिए ।
उनले भने पछिल्लो पटक संविधान र गणतन्त्रको रक्षाका निम्ति प्रतिगमनका विरुद्ध हामीले गठबन्धन गरेका थियौं न कि चुनावका लागि, अहिले कांग्रेस कम्युनिष्टहरुले त्यसको फाइदा उठाउंदै सत्ता कब्जा गर्न लागेका छन तर आफूहरु आँखा बन्द गरेर विश्वास गर्ने जस्ता आत्मघाती कदम उठाउने छैनौ ।
अध्यक्ष यादवले जसपालाई हैसियतको आधारमा सिटमा तालमेल गरेर गठबन्धनले अघि नबढे आफूहरु गठबन्धन भित्र नबसी एक्लै चुनाव लड्नेछौ चेतावनी समेत गठबन्धन दलहरुलाई दिए । अध्यक्ष यादवले गठबन्धनमा आफूहरुलाई हैसियत अनुसार सिट नदिए गठबन्धन बाहिरै बसेर काठमाडौँमा समेत एक्लै चुनाव लड्नेछु भने ।
उनले भने लोकतन्त्र र संविधानको रक्षाका लागि जसपाले एक्लै सडक आन्दोलन गर्यो, पछि पछि कांग्रेस र कम्युनिष्टहरु पनि आए, जुन दलको बलमा तिनीहरुले सत्तामा गए ती जसपालाई आर्ज कमजोर बनाउन गठबन्धनको नाममा कांग्रेस कम्युनिष्टहरुले कमजोर बनाउन खोजिदैछन ।
उनले जाति जाति र वर्गमा बांडिएर पछि पछि लागेको कारण ८० प्रतिशतको संख्यामा रहेका हामी मधेशी र पिछडिएकाहरुमाथि मुठीभर २० प्रतिशतको हराहारीमा रहेका खसहरुले शासन गरिरहेका छन । यदि हामी एकजुट भएर अघि बढयौं भने आफ्नै सत्ता र शासन चलाउन सक्छौं आफ्नो हकअधिकारलाई स्थापित गर्न सक्छौ भने ।
कार्यक्रममा मधेश प्रदेशका मुख्यमन्त्री लालबाबु राउतले ओबीसीमा आबद्ध जाति एकजुट भई दिए आफ्नै सरकार बनाउन सक्छ भने कुनैपनि सरकारलाई हटाउन पनि सक्ने बताउंदै सम्पूर्ण पिछडा वर्गलाई एकजुट हुन आग्रह गरे ।
उनले ओबीसीमा रहेका जातिहरु आफ्नै कमी कमजोरीको कारण पछि परेको चर्चा गर्दै पछिल्लो पटक बजेट विनियोजन गरेपनि काम गर्न सकेन । हामी सरकारमा बसुञ्जेलसम्म कानून बनाउन नसकेपनि जांदाजांदै गठन अध्यादेश मार्फत भएपनि ओबीसीको सरकारी स्तरमा संगठन बनाउने प्रतिबद्धता जनाए ।
सो कार्यक्रममा प्रदेश सभा सदस्य रामआशिष यादवले ओबीसीमा रहेका जातिहरुको हकहितको बारेमा कुरा गर्ने र सहयोग गर्ने पार्टीलाई मात्र आगामी निर्वाचनमा जिताउन आग्रह गरे ।
ओबीसी महासंघका अध्यक्ष भरत महतोको अध्यक्षता सम्पन्न सो कार्यक्रममा सपाका केन्द्रिय सदस्य लालकिशोर साह र बलराम महतो लगायतका वक्ताहरुले आ आफ्ना धारणा राखेका थिए ।
यो विषयमा आफ्नो प्रतिक्रिया दिनुहोस् !