जनकपुरधाम, भदौ २० गते । नेकपा माओवादी केन्द्रका अध्यक्ष पुष्पकमल दाहाल प्रचण्डले राष्ट्रपतिज्यूले नागरिकता विधेयक प्रमाणीकरण नगरे उनी विरुद्ध अदालत जाने चेतावनी दिएका छन ।
सोमवार मधेश प्रदेशमा रहेको केन्द्रिय सदस्यहरुको बैठकमा सहभागी हुन जनकपुरधाम आएका अध्यक्ष प्रचण्डले भने दुवै सदनबाट पारित भएपनि पहिलो पटक राष्ट्रपतिले नागरिकता विधेयक प्रमाणीकरण गर्नु भएन, तर अब त गर्नैपर्छ ।
उनले संविधानमा दोश्रो पटक फिर्ता पठाउने व्यवस्था नै छैन, ढिलो चांडो उहाँलाई प्रमाणीकरण गर्नैपर्छ । यदि प्रमाणीकरण गरेन भने हामी अदालतसम्म जानेछौं । कानूनतः हामी अदालतबाट फैसला गराएर राष्ट्रपतिज्यूलाई प्रमाणीकरण गर्न लगाउनेछु ।
अध्यक्ष प्रचण्डले आउँदो मंसिर ४ गते निर्वाचनका लागि सत्ता गठबन्धन दलबीच सिटको बाँडफाँड भइसकेको छ । कुन प्रदेशमा कसले कति लिने भन्ने बारे छलफल हुन बांकी रहेको बताए । उनले भने हामी गठबन्धन दलबीच जुन दलले जहाँबाट जितेछ त्यो क्षेत्र नै राख्ने गरी मोटामोटी सहमति भएको छ । जुन ठाउँमा गठबन्धन बाहेकका दल जितेका त्यस क्षेत्रका लागि कसले कुन लिने भन्ने बारे छलफल गर्न बांकी छ ।
मधेश प्रदेशमा माओवादीले कति सिट लिने जिज्ञासामा अध्यक्ष प्रचण्डले भने यस प्रदेशमा हामीले प्रतिनिधि सभातर्फ जितेका ६ वटा सिट कन्फर्म नै छ, कोटामा पर्ने अन्य सिट आफ्नो संगठनको अवस्था र स्थानीय तहको आधारमा लिनेछौं तर त्यस सम्बन्धमा चाँडै नै गठबन्धन दलबीच छलफल भएपछि सुनिश्चित हुनेछ ।
पाँच दलीय गठबन्धनले सिट संख्या टुग्याईसकेको भन्दै उनले संघ र प्रदेश टुंगिन बाकी रहेको समेत बताए । उनले आजभोलीसम्म बैठकबाट छलफल गरेर गठबन्धनले क्षेत्र र प्रदेशको पनि टुंगो लगाउने बताए ।
यो विषयमा आफ्नो प्रतिक्रिया दिनुहोस् !