जनकपुरधाम । महसुल नबुझाएकाे कारण मधेश प्रदेशका मुख्यमन्त्री लालबाबु राउतकाे घरकाे खानेपानीकाे लाईन काटिएकाे छ ।
नेपाल खानेपानी संस्थानकाे वीरगन्ज शाखाले वीरगञ्ज स्थित तेजारथ टाेलमा रहेकाे मुख्यमन्त्री राउतको निजी निवासमा उनकाे बुवा दशरथ राउत गद्दीको नाममा रहेको खानेपानीको लाईन काटेकाे हाे ।
नेपाल खानेपानी संस्थान वीरगञ्जले संस्थानलाई तिर्नुपर्ने बक्यौता रकम नतिरेपछि कालो सूचिमा राखेर सार्वजनिक सुचना जारी गर्दापनि मुख्यमन्त्री राउतले कुनै चासाे नलिंदा लाइन काटिएको जनाइएकाे छ ।
संस्थान वीरगन्जका शाखा प्रमुख निरण महर्जनले पहिला लिखित तथा माैखिक रूपमा हामीले महसुल तिर्न पटक पटक ताकेता गरयाैं, त्यसपछि कालाे सुचीमा राखी सार्वजनिक सुचना जारी गरियाै, यति हुंदाहुदै कुनै चासाे नलिएपछि बाध्य भएर खानेपानीकाे सेवा बन्द गरेका छाै ।
मुख्यमन्त्रीकाे बुवा दशरथकाे नाममा खानेपानीको जरिवाना सहित १ लाख ६३ हजार २ सय १६ रुपैयाँ बक्यौता रहेकाे छ । मुख्यमन्त्री राउत सरकारी निवासमा बस्न थालेपछि उनकाे निजी निवासकाे रेखदेख उनका बुवा दशरथले नै गर्दै आएका छन ।
मुख्यमन्त्री राउत मात्र हाेइन उनी निकट वीरगञ्जका अधिकांश नेता र ठूला व्यवसायीहरुले खानेपानी संस्थानको महसुल नतिरी पानी उपभोग गरिरहेको बसझिएकाे छ ।
खानेपानीको महसुल बक्यौता रहेकाहरुको सूचना प्रकाशन गर्दै लाइन काटिने संस्थान वीरगन्जका शाखा प्रमुख निरण महर्जनले बताएका छन् ।
यो विषयमा आफ्नो प्रतिक्रिया दिनुहोस् !