जनकपुरधाम । मधेशको तीन दिने भ्रमणमा गण्डकी प्रदेशका मुख्यमन्त्री कृष्णचन्द्र नेपाली पोखरेल शनिवार मधेश प्रदेशका राजधानी जनकपुरधाम आइपुगेका छन ।
मधेश प्रदेश सरकारको निमन्त्रणामा १८ सदस्य प्रतिनिधि टोलिसहित मुख्यमन्त्री पोखरेल बुद्ध एयरको विमानबाट बिहान करीब ११ बजे जनकपुरधाम आएका हुन । शनिवारदेखि शुरु भएको जनकपुरधाम—पोखरा विमान सेवाको शुभारम्भ मुख्यमन्त्री पोखरेलको जनकपुरधाम भ्रमणबाट नै भएको हो ।
उनलाई स्वागत गर्न जनकपुरधाम विमानस्थलमा मधेश प्रदेशका उद्योग, पर्यटन तथा वनमन्त्री सत्रुधन महतो सहित सचिवहरु र जनकपुरधाम स्थित उद्योगी व्यवसायी तथा विभिन्न कार्यालयका प्रमुखहरु पुगेका थिए ।
जनकपुरधाम विमानस्थलमा पत्रकारहरुसँग कुरा गर्दै मुख्यमन्त्री पोखरेलले भने आजको दिन मेरो लागि ऐतिहासीक दिन रहेको र यसलाई शब्दमा बयान गर्न नसकिने बताए । उनले भने, ‘पोखरबाट जनकपुरधाम आउनमा लागेको ४०/४५ मिनेटमा आफूले जुन अनुभूति भयो त्यसलाई शब्दमा भन्दा पनि भावनात्मक हो ।
गणडकी प्रदेशको समृद्धिको मुख्य आधार नै पर्यटन रहेको भन्दै उनले ‘मधेश प्रदेशका पनि पर्यटकीय क्षेत्रहरुलाई गण्डकीसँग जोडेर जोडेर अन्तराष्ट्रिय अन्तराष्ट्रिय स्तरमा जोडन सकियो भने पर्यटनको दृष्टिकोणले धेरै महत्वपूर्ण हुन्छ भने ।
मुख्यमन्त्री पोखरेल सहितका टोलीलाई स्वागत गर्न विमान स्थल पुगेका मधेश प्रदेशका उद्योग, पर्यटन तथा वनमन्त्री सत्रुधन महतोले प्लेनको क्नेक्टिभिटी बढेकोले यो एतिहासिक दिन रहेको बताए । उनले मधेश प्रदेशको संभावना बोकेको धार्मिक तथा सांस्कृतिक क्षेत्रहरुमा मुख्यमन्त्री पोखरेलले भ्रमण गराउने जानकारी दिए ।
शनिवार देखि जनकपुरधाम देखि पोखरासम्मको शुरु भएको विमान सेवा हप्तामा तिन दिन चल्नेछ । अहिले हप्तामा तीन दिन र पछि यात्रुको चाप देखेर थप गरिने जनकपुर विमान स्थलका प्रमुख योगेन्द्र कुवरले बताए । अहिले सोमबार, बिहिवार र शनिवार बुद्ध एयरको बिमान जनकपुरधाम–पोखराको उडान भर्नेछ ।
मुख्यमन्त्री पोखरेल मधेश प्रदेशको भ्रमणको क्रममा प्रदेशको पहिलो दिन जनकपुर—जयनगर रेलवे, धनुषाधाम स्थित धनुष मन्दिरको अवलोकन र अन्तर प्रदेश पर्यटन प्रबद्र्धन सम्बन्धी अन्तरक्रिया कार्यक्रममा सहभागी हुनेछ ।
दोश्रो दिन आइतबार बिहान जानकी मन्दिरको दर्शन र पूजा अर्चना मुख्यमन्त्री पोखरेलले गर्ने छन् । बिहान १० बजे बर्दिबासमा उनको स्वागतको कार्यक्रम आयोजन गरिएको छ । स्वागत कार्यक्रम सकेर मुख्यमन्त्री पोखरेलसहितको टोलि भ्रमणको लागि सर्लाहीको भरत ताल, बाराको गढीमाई मन्दिर दर्शन गरेर जनकपुर फर्किने छन् ।
तेश्रो दिन सोमबार बिहान महोत्तरी जलेश्वरको जलेश्वरनाथ महादेवको दर्शन तथा पूजा अर्चना गरेपछि मुख्यमन्त्री पोखरेलेको औपचारिक मधेश प्रदेश भ्रमण सकेर बिहान १० जनकपुरधाम सोही विमानबाट पोखरा फर्किनेछ ।
यो विषयमा आफ्नो प्रतिक्रिया दिनुहोस् !