जनकपुरधाम, चैत १९ गते । विश्व नै कोरोना भाइरसको महामारीको मार झेलिरहेको अवस्थामा सबै मुलुकले लकडाउन गरी विदेशी नागरिक प्रवेशमा प्रतिबन्ध लगाएको अवस्थामा चिनियाँ व्यक्तिहरु नेपाल छिरेका छन ।
लम्जुङ्गको न्यादी जलविद्युत आयोजना लगायत विभिन्न आयोजनामा कार्यरत चिनियाँ कर्मचारीहरु लकडाउनको अवधिमा नेपाल छिरेपछि स्थानीयबीच झडप समेत भएको छ ।
विभिन्न संचार माध्यमले प्रकाशन गरेको समाचार अनुसार कोरोना भाइरसको उच्च जोखिममा देश रहेपनि पछिल्लो पटक बलजफ्ती चिनियाँ कर्मचारी छिरेपछि झडप भएको छ ।
नयाँपत्रिका डेलीका अनुसार लमजुङको मस्र्याङ्दी गाउँपालिका ६ ठूलोबेंसीमा निर्माणाधीन न्यादी हाइड्रोपावरको चिनियाँ निर्माण कम्पनीमा कार्यरत कर्मचारी र स्थानीयबीच झडप भएको छ । लकडाउनका वेला गाउँको बाटो भएर आयोजनाले निर्माण सामग्री बोकेको ट्रक गुडाएको भन्दै स्थानीयले विरोध गरेपछि सोमबार झडप भएको र सामाग्री समेत प्रहरीले नियन्त्रणमा लिएको छ ।
गाउँ हुँदै ट्रक भित्र्याउन खोजेपछि स्थानीय युवाहरूले अवरोध गरेका थिए । स्थानीयको अवरोध हटाउन कम्पनीका कर्मचारी स्थानीयमाथि जाइलागेपछि झडप भएको स्थानीय करण थापा बताउँछन् ।
यसअघि पनि कोरना संक्रमित मुलुक चीनबाट कामदार गाउँ आएको भन्दै स्थानीय आक्रोसित बनेका थिए । सरकारले निर्माण कार्य रोकेर लकडाउनलाई कार्यान्वयन गर्न आग्रह गरिरहेका वेला काम नरोकी गाउँलेलाई त्रसित बनाएको स्थानीय थापा बताउँछन् ।
सरकारले सबै मुलुकका नागरिकका लागि प्रतिबन्ध लगाएपनि चिनियाँ नागरिकमा निगरानी नगरेको कारण लकडाउन अवधिमा तिनीहरु लकडाउन तोडेर प्रवेश गरेको र त्यसले स्थानीयमा त्रासको माहौल बनाएको छ ।
स्थानीय जनप्रतिनिधी डिलमाया थापाका अनुसार हाईड्रोपावरलाई आवश्यक सामाग्री लिएर दुई ट्रक आएपछि गाउँलेहरुले लकडाउनको बेला किन चहलपहल बढाएको भन्दै प्रश्न गरेपछि चीनियाँहरु कुटपीट गरयो ।
स्थानीयले कोरोना फैलिने डरले गाँउमा अपरिचित नछिरुन भनी गाँउको नाकामा लगाएको तार जाली समेत उनीहरुले फुटाएको थापाको भनाई छ । उनले आफुहरु घरबाट निस्कन समेत नपाएको तर चिनीँयाहरुले बल प्रयोग गर्दै छिरेको कारण स्थानीयमा आक्रोश रहेको बताईन ।
चीनिँयाहरुले हतियारसहित नेपालीहरु माथि आईलागेको लम्जुङ्गको यो घटना पहिलो होइन् । यसअघि पनि उनीहरुले कयौं पटक घटना दोहो¥याइसकेका छन् । अपराध गर्ने, अत्याचार गर्ने र नेपालीले बोलपछि उल्टै जाइलाग्ने उनीहरुको आदत जस्तै बनेको स्थानीयको आरोप छ ।
यो समाचार नयाँपत्रिका डेलीका साथै हाम्राकुरा लगायतका संचारमाध्यमहरुले प्रकाशन गरेको छ ।
पछिल्ला केही घटना
यसअघि गत फागुन २९ मा नेपाली होटल व्यवसायीलाई खुकुरी प्रहार गर्न खोज्दा ४ जना चिनियाँ नागरिकहरु पक्राउ पनि परेका थिए । काठमाडौँको ठमेल क्षेत्रका नेपाली होटल व्यवसायीलाई दादागरी शैलीमा खुकुरी प्रहार गर्न खोज्ने ४ जना चिनियाँलाई प्रक्राउ गरिएको महानगरीय प्रहरी बृत्त दरबारमार्गको अभिलेखमा उल्लेख छ ।
नयाँ बर्षको छुटटी मनाएर नेपाल पर्किएका ती चीनिँया व्यवासायीहरुले ग्राहकको विषयलाई लिएर विवाद भएको थियो । सो घटना बारे विभिन्न संचार माध्यममा समाचार प्रकाशन भएपछि नेपालस्थित चीनिँया राजदूत यान्छी होउले एक प्रेस वकतव्य जारी गरी काठमाडौं पोष्टका सम्पादक अनुप काफ्लेमाथि कारवाही गर्ने धम्की समेत दिएकी थिइन् । यान्छी यो क्रियाकलापले नेपाली प्रेस स्वतन्त्रतामाथि चिनियाँ सरकार हाबी भएको भनी चर्को आलोचना भएको थियो ।
त्यस्तै पोखरा विमानस्थलको निर्माणमा खटिएका चिनियाँ कर्मचारी नयाँ वर्ष मनाएर फर्कदा क्वारेन्टाईनमा नबसी आफ्नो गणतव्यमा गयो । पछि तिनीहरुलाई ज्वारो सहितका कोरोनाको लक्षण देखिएपछि नेपाली कर्मचारीले क्वारेन्टाईनमा बस्न आग्रह गर्दा तिनीहरु काम रोकेर क्वारेन्टाईनमा बसेका थिए ।
चीनको वुहानबाट उत्पति भई संसारभर फैलिएको कोरोना भाईरसको संक्रमणले विश्वका करीब २ सय मुलुक पीडा भोगिरहेका छन । यस्तो अवस्थामा चिन आवागमनमा महामारी सुरुवात भएकै अवस्थामा रोक लगाउनुपर्नेमा मार्चको पहिलो सातासम्म औपचारिक रुपमा जारी नै रहयो ।
यो विषयमा आफ्नो प्रतिक्रिया दिनुहोस् !