लोक समाचारदाता
जनकपुरधाम, फागुन १८ गते ।
प्रदेश २ सरकारको समाजिक विकास मन्त्रालय अन्तर्गत शिक्षा विकास निर्देशनालयले विद्यालय नर्सका लागि करारमा कर्मचारी भर्नाका लागि विज्ञापनमा समानुपातिक समावेशीलाई समावेश नगरिएको आरोप लगाइएको छ ।
“स्वास्थ्य सुदृढिकरण र बेटी बचाउ बेटी पढाउ” कार्यक्रमलाई सहयोग पुरयाउन प्रदेशका विद्यालयहरुमा “स्टाप नर्स र अनमि परिचालन कार्यक्रम” अन्तर्गत विद्यालय नर्सका लागि माघ २८ गते प्रकाशित विज्ञापनमा दलित, मधेशी, महिला, मुस्लिम र जनजाति आदिको कोटा नछुटयाई उपेक्षा गरिएको आरोप लगाउंदै ज्ञापन पत्र बुझाइएको छ ।
प्रदेशका ८ वटा जिल्लाका लागि १०/१० वटा गरी ८० वटा सिटका लागि निकालिएको विज्ञापनमा कर्मचारी छनौट प्रक्रिया प्रदेशवासी, शैक्षिक योग्यता, अनुभव र अन्तरवार्ता रहेको छ ।
दलित संघर्ष समिति प्रदेशका श्यामकुमार महराको संयोजकत्वमा बुझाइएको सो ज्ञापन पत्रमा संविधानमा समानुपातिक समावेशी व्यवस्था भएपनि प्रदेश सरकारले विद्यालय नर्सका लागि करारमा कर्मचारी भर्ना लिने भनी प्रकाशित विज्ञापन मापदण्ड विपरित रहेको दाबी गरिएको छ ।
देशको मूलधारमा आउन नसकेका दलित, मधेशी, महिला, मुस्लिम र जनजातिका लागि संविधानमा व्यवस्था गरेपनि प्रदेश सरकारले तिनीहरुको अधिकार खोस्ने काम गरेको आरोप लगाउंदै विज्ञापन सच्याएर समानुपातिक समावेशी सिद्धान्तलाई पालना गर्न ज्ञापन पत्रमा अनुरोध गरिएको छ ।
गलत विज्ञापनले अन्यौलता
प्रकाशित विज्ञापनमा विज्ञापन नं., समूह उपसमूह, किसिम समूह र श्रेणी तह उल्लेख गरिएको छैन । तर दरखास्त फाराममा विज्ञापन नं., समूह उपसमूह, किसिम समूह र तह भर्न मांग गरिएकोमा निवेदकमा अन्यौता बढेको छ ।
निर्देशनालयद्वारा प्रकाशित सो विज्ञापनमा अनुभवको कमी देखिएको विज्ञहरुको भनाई छ । देशको कुनैपनि सरकारले विज्ञापन प्रकाशन गर्दा लोक सेवा आयोगको ढांचा अपनाउनुपर्ने भनिएको छ । तर यो विज्ञापनमा लोकसेवा आयोगको ढांचा प्रयोग गरिएको छैन ।
विज्ञापन नम्बर नै नरहेको विज्ञापनले अन्यौलता मात्र श्रृजना गरेको छैन कि विज्ञापन नै गलत लोक सेवा आयोगको मापदण्ड पुरा नगरेका विज्ञापन नै गलत रहेको निवेदकहरुको भनाई छ । उनीहरुले आ आफ्ना मान्छे भर्ना गर्न यस्ता मापदण्ड विपरित विज्ञापन प्रकाशन गरिएको उनीहरुको आरोप छ ।
लापरवाह निर्देशनालय
सो विज्ञापनमा फाराम, कार्यविवरण, पारिश्रमिक, सेवाका शर्तहरु सहितको विस्तृत विवरण निर्देशनालयको वेभसाइटबाट डाउनलोड गर्न सकिने भनिएको छ । तर सो वेभसाइटको डाउनलोड मेनु नै केही छैन ।
सूचना मेनुमा विज्ञापन र दरखास्त फाराम मात्र राखिएको छ । तर कार्यविवरण, पारिश्रमिक, सेवाका शर्तहरु सहितको कुनैपनि विवरण राखिएको छैन ।
प्रदेश २ सरकारको शिक्षा विकास निर्देशनालयले निवेदकलाई झुक्याउनका लागि होइन आफ्ना सम्पर्क नम्बर दिएर पारिश्रमिक सेवा सुविधामा कमीशनको बार्गेनिगका लागि राखेको एक निवेदकले आरोप लगाएका छन ।
प्रकाशित विज्ञापन विवरण :
यो विषयमा आफ्नो प्रतिक्रिया दिनुहोस् !