जनकपुरधाम, फागुन १३ गते ।
धनुषाको जनकनन्दनी गाउँपालिका ५ बनरझुला स्थित शंकर माध्यमिक विद्यालयमा भवन निर्माणमा अनियमितता भएको रहस्य फेला परेको छ ।
ईजनकपुरटुडेमा प्रकाशित समाचार अनुसार विद्यालयका प्रधानाध्यापक योगेन्द्र यादवले भवन निर्माण नै नगरी अनियमितता गरेको दाबी गरिएको छ । तीन कोठे भवन निर्माणका लागि १९ लाख रुपैया विद्यालयले अनुदान पाएको थियो । तर अनुदान पाएको तीन वर्ष वितिसक्दा पनि भवन निर्माण हुन सकेको छैन ।
अनुदान रकम प्रधानाध्यापक यादबले अन्यत्र खर्च गरेका थिए । पछि अभिभावकहरुले विरोध गरेपछि बल्ल भवन निर्माण सुरु गरिएको छ । यद्दपी भवन निर्माणमा भने गुणस्तरहिन निर्माण सामग्री प्रयोग गरिरहेका छन् ।
प्रधानाध्यापक यादवले गरेको अयिमिततामा वडा अध्यक्ष अशोक मण्डलले पनि साथ दिएको स्थानीयको आरोप छ । कारबाहीबाट बच्न प्रधानाध्यापक यादबले बल्ल भवन निर्माण सुरु गरिएको स्थानीय रेणु गोईतले बताउँछिन् । तीन वर्षसम्म अनुदानको रकम नीजि काममा खर्च गरेकाले छानविन गरी प्रधानाध्यापकलाई कारबाही गर्नुपर्ने स्थानीयको माग छ ।
यता, प्रधानाध्यापक यादबले भवन (ट्रष्ट) निर्माण वापत साह ईन्जिनियरिंग वर्कशप जनकपुरलाई ७ लाख २० हजार दुई वर्ष अगाडी नै भुक्तानी दिईसकेको प्रतिक्रिया दिए । अन्य रकमको विषयमा भने उनले केहि बताउन नचाहेको समाचारमा भनिएको छ ।
त्यस्तै वडाध्यक्ष मण्डलले पनि भवन निर्माणमा गुणस्तरहीन सामग्री प्रयोग गरहेको सुनाए । उनले भने, ‘दुई नम्बर इटाले काम गरिरहेको छ । मैले देखेपछि प्रधानाध्यापकलाई झपारे पनि । उहाँले एक नम्बर इटा नै खसाउन भनेपनि दुई नम्बर इटा ल्याइदिएको प्रतिक्रिया दि ए ।’ उनले दुई नम्बर इटाले काम नगर्न समेत भनेको बताए ।
वडाध्यक्ष मण्डलले विद्यालयमा पठन पाठन समेत नियमित नहुने गरेको बताए । उनले पटक पटक गुनासो गर्दा पनि शिक्षक अभावमा पढाई विग्रिरहेको बताए । छात्रबृतिको रकम दिनेगरी राखेको दुई शिक्षक पनि लोकसेवा आयोगमा नाम निकालेर हिडेपछि झन पठन पठन विग्रेको उनको भनाई छ ।
तीन वर्षसम्म भवन निर्माण नगरेको विषयमा वडाध्यक्ष मण्डलले छानविन गरी कारबाही गर्नुपर्ने बताए । उनले आफुले अनियमितता गर्न प्रधानाध्यापक यादबलाई साथ नदिएको दावी गरेका छन ।
यो विषयमा आफ्नो प्रतिक्रिया दिनुहोस् !