लोक समाचारदाता
जनकपुरधाम, माघ १९ गते ।
माघको दोश्रो सातामै जनकपुर जयनगर रेलवेको इन्जिन र बोगी नेपाल आउने भनिएकोमा कमर्चारी आभावले गर्दा भारतमै थन्किएको छ ।
फागुन महिनादेखि संचालनमा आउने भनिएको रेल समयमा आवश्यक कर्मचारी भर्ना गर्न नसक्दा भारतको जयनगरदेखि नेपालको कुर्थासम्म चल्ने रेल भारतमै रोकिन गएको हो ।
यसअघिको सम्झैता अनुसार माघको दोस्रो साता भित्रै रेल नेपाल आउने थियो, तर नेपाल सरकार रेल विभागले व्यवस्थापनका लागि कर्मचारी भर्ना गर्न नसक्दा भारतको गोरखपुरमै रेल थन्किएर राखिएको विभागको भनाई छ ।
विभागले भने ‘रेल नेपाल ल्याएर के गर्ने जब काम गर्ने कर्मचारी नै छैनन, रेलको इन्जिन र बोगी ल्याएपनि कर्मचारी नहुँदासम्म यहाँ थन्किनुभन्दा कम्पनीमै सुरक्षित छन । रेल संचालनमा अन्यौलता त बढेको छ तर गर्ने के सरकार नै गम्भीर छैनन रेल विभाका प्रमुख बलराम मिश्रको भनाई छ ।
भारतको गोरखपुर स्थित सरकारी रेल निर्माण कम्पनी कोनकल रेल्वेज कर्पोरेसनले भारतको चेन्नाईमा नेपाली रेल निर्माण पुरा गरेको हो ।
पछिल्लो पटक मन्त्री परिषद्को निर्णय सुनाउँदै माघ ९ गते सरकारका प्रवक्ता गोकुल बाँस्कोटाले रेल संचालनका लागि विदेशी कर्मचारी ल्याउन स्वीकृति दिएको बताएका थिए ।
नेपालले भारतसँग ८५ करोडमा दुई रेल किन्ने सम्झौता गरेको थियो । सम्झौता अनुसार गत डिसेम्बरमै नेपालमा रेल आउनुपर्ने थियो । तर वर्षका कारण रेलको लिग बगाएपछि रेल संचालनपछि धकेलिएको थियो ।
दोस्रो सम्झौता अनुसार जनवरीसम्ममा नेपालमा पहिलो रेल ल्याउने भनिएको थियो । यो पटक भने कर्मचारी नियुक्तीको प्रकृया नहुँदा नेपाली रेल कहिले संचालन हुन्छ अझै अन्यौलता बढेको छ ।
मिश्र भने सरकारले सैद्धान्तिक स्वीकृति दिएपनि कर्मचारी भर्ना प्रकृया प्रस्ट र बजेट निकासा नहुँदासम्म कर्मचारीको भर्ना गर्न सकिएको छैन । हुनत विभागले यसअघिनै रेल संचालनको लागि नेपालमा अनुभवी कर्मचारी नभएकाले भारतबाट ल्याउनुपर्ने भन्दै सरकारलाई स्वीकृतिको दिन भनेको थियो ।
विभागले दुई सय कर्मचारी आवश्यक भएपनि पहिलो चरणमा अत्यावश्यक कर्मचारी ल्याउने र बाँकी नेपाली नै राख्ने तयारी गरेको जनाएको थियो । विभागका अनुसार ३० जना प्राविधिक कर्मचारी भारतबाट ल्याउनेपर्ने हो ।
यो विषयमा आफ्नो प्रतिक्रिया दिनुहोस् !