लोक समाचारदाता
जनकपुरधाम, माघ ३ गते ।
समाजवादी पार्टी नेपालका उपाध्यक्ष रेणु यादवले फेसबूक र ट्वीटर सहितका समाजिक सञ्जालमा जुड्न पार्टीका नेता तथा कार्यकर्ताहरुलाई निर्देशन दिएकी छिन ।
शुक्रवार पार्टीको मधेश प्रदेश समितिद्वारा आयोजित संगठन विस्तार र सुदृढिकरण अभियानको उद्घाटन समारोहलाई सम्बोधन गर्दै उनले भनिन् अहिलेको आधुनिक युगमा देश विदेशका विभिन्न जानकारी पाउन सकिन्छ त्यसैले फेसबूक र ट्वीटरसँग जोडनुस ।
उनले फेसबूक र ट्वीटरको प्रयोग सेल्फी खिचेर आफ्नो फोटो हाल्नका लागि होइन, पार्टीको विभिन्न गतिविधि सहितका जानकारी राख्न प्रयोग गर्नुस, त्यसलाई हेरेर मात्र नछोडनु त्यसमा केही कमेन्ट गर्नुस, केही जिज्ञासा भए शिर्षस्थ नेतासँग सोध्नुस र राय सल्लाह लिनुस । यसले के हुन्छ भने पार्टीको गतिविधिका साथसाथै देशको वर्तमान राजनीतिका साथै विभिन्न जानकारी हासिल गर्न सकिन्छ ।
फेसबूक र ट्वीटरको माध्यमले जनमत पार्टीका सिके राउतले आफ्नो पकड बनाउंदै गएपछि देशमा अहिले समाजिक सञ्जालको होड नै चलेको छ । समाजवादी पार्टी मात्रै देशका अख्तियार, प्रशासन र मन्त्रालय सहितका सूचना समेत समाजिक सञ्जाल मार्फत नै अहिले जनसमक्ष पुरयाइने कार्य भइरहेको छ ।
समाजवादी पार्टीले आफ्नो विधान र संगठन विस्तार पुस्तिकामा समेत फेसबूक र ट्वीटरमा जुडन आह्वान गरिएको छ । उपाध्यक्ष यादवले अहिले इलेक्ट्रोनिक युग छ सबैले इमेल एकाउण्ट खोल्न जरुरी, विभिन्न संचारमाध्यमबाट फेसबूक र ट्वीटरमा राखिएका सामाग्री अध्ययन गर्नुपर्छ यसले के हुन्छ जानकारीका साथसाथै कार्यकर्तामा चेतनशीलता आउँछ ।
यादवले सम्बोधनको अधिकांश समय फेसबूक र ट्वीटरको महत्व बारे नै खर्चिन । उनले फेसबूकको दुरुपयोग होइन सदुपयोग गर्न आग्रह समेत गरिन ।
यो विषयमा आफ्नो प्रतिक्रिया दिनुहोस् !