लोक समाचारदाता
जनकपुरधाम, कात्तिक १४ गते ।
जनकपुरधाम उपमहानगरपालिका वडा नं. १८ भोइल मा आयोजित जिल्लास्तरीय पांचौ भलिबल प्रतियोगितामा कटरैत विजयी भएको छ ।
बिहीवार सम्पन्न फाइनल प्रतियोगितामा कटरैतले सिरसियालाई ३ वटै सेटमा हराउंदै जित हात पारेको हो । कटरैतले पहिलो सेटमा २१—२४, दोश्रो सेटमा २३—२५ र तेश्रोमा १४—२५ सेट गरी तीनवटै सेटमा सिरसियालाई हराएको थियो ।
स्थानीय श्री सुर्य युवा क्लबद्वारा कात्तिक ११ गतेदेखि आयोजित सो भलिबल प्रतियोगितामा समूह ए बाट १२ र समूह बी बाट १० वटा टीमको सहभागिता रहेको थियो । सो प्रतियोगिताको सेमिफाइनलमा आयोजक कमिटी भोइलको ए र बी समूह तथा सिरसिया र कटरैत पुगेको थियो ।
सेमिफाइनलमा आयोजक कमिटी भोइल दुवै समूहलाई हराउंदै सिरसिया र कटरैत फाइनलमा पुगेको थियो । बिहीवार सम्पन्न सो प्रतियोगितामा प्रमुख अतिथि जनकपुरधाम उपमहानगरपालिकाका मेयर लालकिशोर साहले विजयी टीमलाई शिल्ड र नगद पुरस्कार सहित सम्मान गरेको छ ।
समाजवादी नेपाल पार्टीका नेता विजय कुमार मण्डल अध्यक्षतामा सम्पन्न सो समापन कार्यक्रममा प्रमुख अतिथि मेयर साहले विजयी हुने प्रथमलाई शिल्ड सहित नगद रु. १५ हजार, दोश्रोलाई शिल्ड सहित नगद १० हजार र तेश्रोलाई पनि शिल्ड सहित नगद ५ हजार रुपैया प्रदान गरेको छ ।
सुर्य युवा क्बलले गत ४ चार वर्षदेखि दिपावली र छठ पर्वको अवसरमा युवाहरुमा शारिरीक व्ययाम र अनुशसान कायम राख्न राख्ने उद्देश्यले भोइलमा जिल्ला स्तरीय भलिबल प्रतियोगिता आयोजना गर्दै आएको कुरा क्लबका अध्यक्ष सरोजकुमार मण्डलले जनाएको छ ।
साथै उनले प्रत्येक वर्ष भलिबल प्रतियोगिताका साथै अन्य प्रतियोगिता पनि समय समयमा आयोजना हुंदै आएकोले व्यवस्थित स्टेडियम बनाउन आवश्यकता रहेको छ र त्यसका लागि प्रदेश सरकार र सम्बन्धित प्रदेश सभा सदस्य समेत सहयोग गर्ने आश्वासन दिएको बताए ।
यो विषयमा आफ्नो प्रतिक्रिया दिनुहोस् !