लोक समाचारदाता
जनकपुरधाम, कात्तिक ७ गते ।
सशस्त्र प्रहरी धनुषाले ७ लाख २९ हजार रुपैया बराबरको करीब १० किलो अवैध चाँदी बरामद गरेको छ ।
बुधवार बिहान ११ बजेको समयमा सशस्त्र प्रहरी धनुषा कार्यालयबाट खटिएको प्रहरीले टोलीले जनकपुरधाम उपमहानगरपालिका वडा नं. २० देउपुरा रुपैठामा चेकजाँचको क्रममा ना ४७ प २७२७ नम्बरको मोटरसाइकलबाट नेपालबाट भारततर्फ लगिरहेको मोटरसाइकल सहित सो चाँदी बरामद गरिएको हो ।
सशस्त्र प्रहरी धनुषाका प्रहरी उपरिक्षक राजेश उप्रेतीले जनाए अनुसार यस गणबाट आई.डी. नं. २३ २० का सहायक प्रहरी निरिक्षक सुरेन्द्र कुमार झाको नेतृत्वमा खटिएका ५ जनाको स्कवाईड टोली र बी.ओ.पी. देवडिहाबाट आई.डी.नं. २५८६ का सप्रनि रंजित कुमार तिवारीको नेतृत्वमा २ जना गरी ७ जनाको संयुक्त टोलीले चेकजाँच गर्दा बरामद गरिएको छ ।
सुरक्षार्थ खटिएका ती प्रहरीले टोलीले शंका लागेर फ्लो गर्दा मोटरसाइकलमा चालक र पछाडि बसेका दुवै व्यक्ति प्रहरीलाई देखेर फरार भएको र बेवारिसे अवस्थामा सो दुई वटा प्याकेटमा रहेको सो चाँदी मोटरसाइकल सहित फेला पारिएको समेत उनले बताए ।
यसअघि जिल्लाको शहीदनगर नगरपालिका ३ झण्डा चोक सहित विभिन्न स्थानबाट ४ लाख ४० हजार ६ सय ३ रुपैया बराबरको कपडा, किरानाका सामान, मोटर पार्टस, पानमसाला बरामद गरी भन्सार कार्यालयमा बुझाइएको थियो ।
त्यस्तै खजुरीबाट ९५ हजार २ सय ३६ रुपैया बराबरको केराउ, खेलाडी कपडा, हार्डवेयरको सामाग्री, राजश्व भन्सार सुरक्षा बेस जनकपुरले एक लाख ५६ हजार रुपैया बराबरको राँगा, भगवानको फोटो र ठाडी झिजाबाट ३२ हजार रुपैयाको राँगा गरी ८ लाख ५९ हजार २ सय १८ रुपैया बराबरको सामाग्री सामाग्री बरामद गरेको थियो ।
यो विषयमा आफ्नो प्रतिक्रिया दिनुहोस् !